熱愛優質生活

【聲明】 U Lifestyle網站並無進行電話推廣活動

首頁   \   港活動   \   性價比高 歎完雞煲烚海鮮@同人鍋

性價比高 歎完雞煲烚海鮮@同人鍋

地點: 尖沙咀山林道29-31號廣利樓1樓及地鋪4  

冬天打邊鍋是常識吧!想烚得盡興,一個價錢任食的火鍋放題就最超值,但大部分任食火鍋都將貨就價,不似開業四個多月的同人鍋般,會為客人精選優質海鮮作火鍋料。每位收費不用三百蚊的「任食雞煲海鮮火鍋」,推出以來大受歡迎,只因用心製作。餐廳會先讓客人品嘗惹味麻辣雞煲,之後侍應再奉上第二個鍋讓客人打邊爐。湯底則有龍蝦或花膠供選擇,而非食完雞煲後加水烚烚吓咁冇要求。值得一提的是,餐廳最近推出了椰子雞煲,雞件特別以慢煮方式炮製,肉質分外嫩滑,湯頭則鮮甜無比。如點選椰子雞煲,另奉上波士頓龍蝦一隻作火鍋料。

叫得做任食火鍋,配料當然任點任食,除了必備的牛肉、冬菇、粟米、響鈴、蔬菜外,還有特別找廠商炮製的特色丸類和香腸,例如北海道章魚丸、龍蝦沙律丸、黑椒馬蹄貢丸,以及飛魚籽魚蛋腸、煙肉豬肉腸和香草豬肉腸等。不過講到亮點,就非海鮮莫屬,餐廳每日到街市購買靚海產,例如海蝦、生蠔、鮮蜆、青口、帶子、波士頓龍蝦等,有時候甚至會有瀨尿蝦、鮑魚,以及坊間較少見的澳洲拓拓蜆,而能否一嘗此等海鮮滋味,就得看閣下運氣了!最後提提大家,來幫襯記得申請張「同人分享卡」,每次惠顧,可按人次獲得1分,累積滿一定分數便可享折扣優惠,最高可達8折,而會員的朋友只要能說出登記會員的姓名及電話號碼亦可儲分兼享折扣,齊齊開心Sharing!


海鮮除了任食的廣島蠔、白蜆、鯇魚片、鮮魷魚外,還有限量供應的澳洲拓拓蜆、象拔蚌仔、鮑魚、瀨尿蝦和波士頓龍蝦,海鮮迷肯定大滿足!


打邊爐前先吃雞煲,大大件雞件,肉質比想像中嫩滑,而且味道濃郁,最正係無限任食。 


每枱奉送安格斯牛肉一碟,肥瘦適中,略烚入口,口感一流,想添食的話,可加$48追加。

內容評分
評語