秋冬的味道漸漸濃烈，當季的食材又點少得栗子和紫薯，相信唔少人都試過在凍冰冰的街頭拎住一包暖笠笠的炒栗子或者一條熱辣辣的紫薯，近來街頭巷尾都可以見到紫薯產物，就連最貼地的港式雞蛋仔都加入紫薯大軍！雞蛋仔連鎖店「媽咪雞蛋仔」以創新口味雞蛋仔聞名，近日店舖就出現了新品的宣傳海報，原來「有機栗子」和「紫薯蕃薯」口味已經回歸！各位雞蛋仔和紫薯迷又可以再食到這兩款秋冬限定推介！
「有機栗子雞蛋仔」（$29）
在外脆內軟，而且漲卜卜的雞蛋仔裡可以搵到栗子粒，雞蛋仔味道不算太甜，所以唔會蓋過栗子的味道，不過栗子粒唔算特別多，而且分佈似乎不太平均，唔係每粒雞蛋仔中都可以搵到栗子粒，但喜歡食栗子的朋友亦不妨一試。
「紫薯蕃薯雞蛋仔」（$26）
紫薯有幾hit？相信都唔使小編多作介紹，紫薯蕃薯雞蛋仔上年已經推出過，而且大受歡迎，無論紫薯定蕃薯都係秋冬的熱門食物，紫薯mix蕃薯蓉的味道只是想想都覺得甜，填滿了粒粒雞蛋仔，如果一個人食一底，其實都幾飽肚！
活動資訊
- 日期2016年9月25日起 至另行通知
- 地址 媽咪雞蛋仔分店
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
