熱愛優質生活
首頁   \   港活動   \   要見迪士尼公主,去屯門市廣場就得㗎啦!

要見迪士尼公主,去屯門市廣場就得㗎啦!

2016.11.30
日期: 2016年11月30日 - 2017年1月2日
地點: 屯門市廣場1期1樓中央廣場

 

我哋要見到迪士尼卡通電影入面嘅公主,除咗買隻DVD番屋企播嚟睇、同埋去迪士尼樂園探佢哋之外,今個聖誕我哋仲多咗個選擇,就係去屯門市廣場,參加佢哋搞嘅活動!咁就可以同一眾迪士尼公主,過一個既開心又夢幻嘅聖誕節,參加嘅活動同互動遊戲,仲可以買到限量版迪士尼精品。

 

專屬公主嘅聖誕佈置

既然以Disney《Dream Big, Princess夢想無限》為主題,我哋呢個聖誕節當然唔少得見到幾位家傳戶曉嘅公主,當中包括白雪公主(Snow White)、灰姑娘(Cinderella)、艾莉奧(Ariel)、睡公主(Aurora)、貝兒(Belle)及長髮公主樂佩(Rapunzal)。佢哋各自有專屬嘅聖誕佈置,全部都係以佢哋係經典故事場景為主題,投入感100%!

 

8米高嘅聖誕樹旁邊就係公主嘅城堡,係佢哋客廳入面,12月3日、17日同Boxing Day嗰日會有「故事分享時間」,要聽故事嘅小朋友,記得叫媽咪帶你去呀!

 

 

 

唔單只有得睇,仲有得玩

小朋友們唔係淨係睇靚靚公主同埋佢啲裝飾嘅,仲有互動遊戲可以玩㗎!只要於場內單一消費港幣$100元,就可以參加「奔跑吧!灰姑娘」互動遊戲:以玻璃鞋故事為藍本,小朋友化身灰姑娘以鬥快跑到南瓜車。城堡另一邊仲有可以免費參加嘅「長髮公主天燈許願城堡互動遊戲」,發揮創意設計天燈圖案,令夢想成真。

 

同真人公主合照,會唔會好開心嘅呢?

其實我哋仲有機會同真正啲公主見下面影下相添㗎:佢哋會喺「公主見面會」中出現,由12月1日起,大家捐款港幣$50畀「愛心聖誕大行動」,或係商場內任何兩間不同商舖以電子貨幣消費滿港幣$1,000,就可以係指定時間同幾位公主見面兼合照留念。大人小朋友記得著得靚啲呀!

 

見面會日期及時間

出席公主

12月11日

長髮公主樂佩

12月18日

睡公主

12月25日

艾莉奧

1月1日

灰姑娘

 

 

買到精品最開心

作為一個愛惜自己嘅小公主,不論個人衞生、皮膚美容、日用起居、文具精品等等,都要通通照顧周長,咁先至有公主風範㗎嘛!場內設有「期間限定店」,以上所講嘅不同精品,通通可以帶番屋企,你哋話幾咁開心呢!

 

潤唇膏

  

 

公主二合一洗頭水沐浴露

 

內容評分
評語