鳴門（旺角店）早前推出的「三色海膽飯」回響極大，網上評價普遍讚多過彈，引來不少愛日本菜的朋友排隊一試。
海膽飯重出江湖啦！由即日起至11月底，鳴門（西營盤店）由星期一至日9pm後，都會供應$98海膽飯，只限堂食，每人限購一碗，售完即止。
為免顧客花時間排隊後無得食，店外將會張貼告示，定時更新海膽飯數量。
$98一碗魚生飯有齊3款海膽，包括北海道馬糞海膽、加拿大海膽及韓國海膽。
跟之前推出的一樣，師傅先把較大件的加拿大海膽放在飯上，旁邊放有口感軟滑的北海道馬糞膽，最後以火槍輕輕燒灼另一旁的韓國海膽的表面，帶出其甘香的味道。
配多隻生食鵪鶉蛋，份量頗多，拌勻大啖大啖食又得，用紫菜夾住亦得！
除了海膽飯外，鳴門居酒屋亦有不少食品適合做宵夜，包裝魚生拼盤、壽司、串燒等小食，收工可以去啤一啤，食餐勁量級宵夜。
*另收加一（以原價計算）
活動資訊
- 日期2016年11月1日 - 2016年11月30日 9pm後
- 地址 西營盤第一街8號地下2號舖
- 宵夜時段9pm-11pm
- 電話2640-1000
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
