去年愉景灣大白灣沙灘有得免費瀡滑梯，而今個夏天就改玩充氣迷宮，一樣係免費，啱晒鍾意陽光與海灘的朋友！
愉景灣大白灣沙灘將由7月23日起設置全港最大的沙灘充氣迷宮，迷宮長75米，闊15米，有成過萬呎。迷宮設三種不同高度，分別為1米、1.3米及1.8米，大小朋友都玩得，而第三關仲會設有多個障礙物及高台射水區，相對其餘兩關更有挑戰性。只要活動期間逢周四至日到場即可免費任玩，場內另有淋浴花灑、沙灘傘及沙灘椅提供。
另一新玩樂設施就要再去遠少少，過愉景北商場喇！商場將會有個逾千呎室內色彩藝廊，陽光照射下七彩幾何圖案將會投影出不同色效，而藝廊的其中一面牆身更裝上八百多粒彩球，俾大家創作自己的藝術作品。藝廊於活動期間天天免費開放，開放時間為上午11時至6時。
而露天廣場亦有用彩色線條織出嘅巨型色彩藝術裝置，逢星期六及日仲有免費氫汽球派同彩色泡藝表演。
下頁：中環手工編織遊樂場 7月起免費開放
活動資訊
- 日期2016年7月23日 - 2016年8月28日
- 地址 愉景灣大白灣沙灘及愉景北商場
- 迷宮開放時間7月23日起至8月28日(逢周四至日)11am-5:30pm
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
