新出夏日限定生果湯底!高質任食海鮮火鍋

2016.06.17

由私房菜做起,現在多區都有分店的火鍋專門店「倫哥私房菜」在今個炎夏搞搞新意思,推出期間限定的「西瓜鮮果海鮮鍋」,打邊爐加西瓜和其他鮮果,「伏」味究竟濃不濃?試過先知!

海鮮可選蟹或加$30轉龍蝦,湯底方面用上雞和豬肉,先蒸後煲4-5小時,再加入西瓜、哈蜜瓜和木瓜煲多45分鐘,落足料啖啖鮮味。

由於湯底不添加味精,餐廳都建議顧客把湯統統喝掉;小編試飲後都覺得湯底幾清甜,帶濃濃木瓜味,不過西瓜和哈蜜瓜的味道就未見十分突出了。

新清的鮮果湯底配蟹和龍蝦都夾,不會掩蓋海鮮的鮮味,建議放入其他配料打邊爐前,可先飲一碗鮮果湯,開胃之餘又能品嚐一下湯底真正的味道。

--------------

無限時任食火鍋套餐每位$268,除了可享以上介紹的鮮果海鮮鍋外,還包括招牌雞煲、手切牛頸脊及環球海鮮火鍋配料如象拔蚌、生蠔、花甲等,部分海鮮例如細蟶子、海中蝦、龍躉、刀貝蜆等均可供任食。

其他任食配料則有四寶丸、雲吞水餃、蔬菜等,一個價錢可以食盡多款食品,而且質素甚高,包任飲汽水及涼茶,雖然收費不算很便宜,但計落都算幾抵食!

圖:FB@倫哥私房菜 Lun Gor Private Club

*另收加一

*任食火鍋需有3位或以上同行,兩位入座雞煲或海鮮鍋二選一

*逢星期五至日、公眾假期及其前夕入座,每位加$10

*小童收費:4-10歲半價/ 3歲或以下$30

*鮮果鍋供應至夏天完結,只限於佐敦、太子及即將開幕的西環分店供應

活動資訊

  • 日期2016年6月1日起 起至另行通知為止
  • 地址 九龍佐敦德興街4-6號地鋪/ 九龍太子柏樹街19號A地鋪
  • 電話6209-3572/5546-6499

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓