熱愛優質生活
首頁   \   購物情報   \   好物推介!爽身粉液 爽住過夏天

好物推介!爽身粉液 爽住過夏天

2017.07.21
地點: 萬寧、AEON、city'super、KMall、www.biolane.hk

做咗媽媽之後,最怕夏天,因為BB一出街就會變咗隻濕水鴨,即使唔出街留喺屋企瞓覺,佢都可以成頭大汗,成日搞到出熱痱。好彩最近發現Biolane有隻大人細路都啱用嘅液狀爽身粉,液狀?!係呀!你無睇錯呀,真係液狀架,magic 液變粉,只要一搽上身就會好神奇咁變成粉狀,BB同我今個夏天用咗之後,瞓覺同出街都無再立黐黐,皮膚勁爽。

 
小心!咪再用傳統爽身粉!
之前我幫BB沖完涼總會用爽身粉撲身,但次次啲粉末都搞到BB成面都係,而且有時仲會唔覺意吸咗入肺,BB仲會咳咳添!後來,睇番其他媽媽啲討論先知原來爽身粉啲粉末會影響BB嘅呼吸健康,嚴重嘅更有機會引發哮喘;而有啲傳統爽身粉更含有滑石粉,新聞仲話會致癌添,你都咪話唔擔心!好彩最近發現呢隻Biolane液狀爽身粉,真係好magic!
 
 
 
輕拍magic「液變粉」  Bye Bye「立黐黐」
身為媽媽嘅,對於Biolane呢個品牌應該都好熟悉架啦!嚟自法國嘅佢哋,係當地最受歡迎嬰兒護理品牌之一,產品出名成份夠天然,極低敏又溫和。至於呢隻液狀爽身粉唔止無粉末周圍飛,配方更提取自天然植物,不含滑石粉,唔會致癌,更加唔洗擔心BB吸入粉末後咳咳,影響呼吸道健康,可靠又安心,就算初出生嘅BB都可以用!
 
我通常就會等BB沖完涼後,先幫BB抺乾身,喺BB頸位、腋下同手腳摺合位等輕拍印開,等佢可以好乾爽咁瞓個靚覺;如果出街,就會預先搽定喺易出汗嘅位,好似頸背、背脊、腋下同手腳摺位等,咁就可以輕鬆吸走汗水,令皮膚乾爽舒服,有效預防熱痱同汗疹,依家夏天同佢出街、旅行、行山都可以Keep住爽,唔再立黐黐!
 
我自己用咗之後,夏天同BB出街都好舒服乾爽,無晒汗臭味,而且仲舒緩咗我背脊啲熱痱粒粒,依家去海灘都唔洗包到冚,可以著吓泳衣show吓完美身材!
 
 
 
温馨提示:7月27日前於萬寧買2枝Biolane防敏爽身粉液可享85折(標準價: $145)
 
 
相片提供: YanComic、Mrs Co:Lam、奧斯卡報報
 
資料由Biolane提供

內容評分
評語