熱愛優質生活

【聲明】 U Lifestyle網站並無進行電話推廣活動

首頁   \   商場情報   \   周末必去 黃埔新天地 幫你拍片、出書、製迷你人像!

周末必去 黃埔新天地 幫你拍片、出書、製迷你人像!

2017.08.09
日期: 2017年8月12日 - 13日 ,
2017年8月19日 - 20日
地點: 黃埔新天地時尚坊地庫 (港鐵黃埔站C1出口)  

有人幫你拍片、出書、製人像,聽落已經好威水;假如,閣下嘅figure人像係3D打印出來,本書係360度拍攝閣下動作再製成畫冊,條片更係高清極速錄影,你話,係咪幾大都要去呢?今個同下個星期六、日,黃埔新天地「你相SUMMER SHARE」活動等你埋位,完成品Share上IG、FB實屬必然,大家諗定啲啜核hashtag啦!

啜核hashtag一時三刻未必諗到,不如睇睇活動詳情先啦。8月12日至13日以及8月19日至20日,即係逢星期六、日嘅下午1時至晚上8時,紅磡黃埔新天地時尚坊地庫將變身成「你相SUMMER SHARE」場館,專業拍攝團隊駐場,主持《3D迷「你」工場》、《360「動」作出版社》、《高速放閃影館》3大玩意,為大家潮玩3D打印、動影以及高速快拍,實行打破單調沉悶嘅自拍界限,包保大人同細路、兵仔與娘娘、網紅或素人都讚好不停。

8月12日至13日以及8月19日至20日,黃埔新天地「你相SUMMER SHARE」場館,為大家潮玩3D打印、動影以及高速快拍。

 

3大玩意一覽:

 

《3D迷「你」工場》

專業團隊為你打印出高約10cm嘅像真迷「你」3D立體頭像或者全身figure,很想要吧!只要擺好甫士,專業團隊立即為你進行多角度真身掃描,並透過3D打印技術塑造,製作認真細緻,絕對值得欣賞收藏。只要於指定日期於黃埔新天地消費滿HK$500或以上* / HK$2,000**或以上,即有機會免費玩《3D迷「你」工場》。

《3D迷「你」工場》嘅3D人像製作認真又細緻,栩栩如生嘅迷「你」公仔,值得擁有。

 

《360「動」作出版社》

細個時候總有玩過,於教科書上每頁畫個公仔,快速翻動時即變成動畫!《360「動」作出版社》玩嘅嘢原理一樣,不過就以連環快拍技術,將你變身動畫畫冊主角!只要於指定日期於黃埔新天地即日單一消費HK$300或以上,就可以與好友齊齊跳上360轉台,並由專人進行連環快拍,將簡單動作變成有趣動畫,再即場打印相片合成手翻動畫書。

《360「動」作出版社》捕捉閣下全方位動作,再製作成動畫畫冊。

 

《高速放閃影館》

「放閃」大家都明點解,至於個閃光彈點樣可以勁啲爆啲?一於試下《高速放閃影館》啦,佢係用極速攝錄機拍下你嘅秒間動態,再轉化成慢速影像畀你Share,就咁聽都覺得趣緻,放埋上網呢期爆硬Like囉。只要於指定日期於黃埔新天地即日單一消費滿HK$100或以上,即可參加攝錄一次。

 

都係嗰句:上述活動,每日名額有限,先到先得,額滿即止。咁,你仲等乜?黃埔新天地時尚坊地庫 ,港鐵黃埔站C1出口就係喇!

 

黃埔新天地「你相SUMMER SHARE」

日期:2017年8月12日至13日、8月19日至20日(星期六、日)

時間:下午1時至晚上8時

地點:黃埔新天地時尚坊地庫 (港鐵黃埔站C1出口)

查詢電話 :2121 8344

網址 :www.whampoaworld.com

Facebook專頁:www.facebook.com/whampoaworld

 

註:

*任何一間非食肆及一間食肆於即日以電子貨幣消費,每張發票須為HK$100或以上。

**任何兩間不同非食肆及一間食肆於參加該週之星期六及日以電子貨幣消費,每張發票須為HK$200或以上。

以上換領時必須憑合符換領資格之電子貨幣消費付款存根連同對應之正式機印發票。

 

資料由客戶提供

內容評分
評語