掃盡10檔小食!西貢廟會百周年慶典

2016.11.17

西頁廟會百周年慶典一連6日舉行,橫跨周末,現場不但會有獻供大典、粵劇大匯演、巡遊及萬人盆菜宴等傳統活動,宜春街更會有40多檔攤位進駐,售賣特色小食,讓港人可以一邊感受體驗廟會,一邊食餐飽!

攤位號碼:46

全店主售三款產品,蒲燒鰻魚加入燒汁即烤而成,還有大大粒原隻章魚及飲品,每款食品單售$40,$60可任選兩款。

攤位號碼:45

主打地中海松露芝士大啡菇,加入兩種芝士即焗,芝士濃郁可以能拉出超厚芝士絲,但味道平平,售$20 一隻,$30兩隻。

攤位號碼:54

好味推介之一,泰國鮮奶串燒可選泰式汁或沙嗲汁,售$20一串,$30兩串。

攤位號碼:43

場內抵食之選絕對是芝士玉子燒,加入芝士蟹柳份量足料厚身,夠飽肚,售$38。另有大大粒安格斯牛扒粒,但質地太韌,售$30四粒。

攤位號碼:30

柚子蜜脆皮雞翼包飯,以雞翼包花生糯米飯即燒而成,食落口感香脆勁夾,售$40。 但串燒特級金蠔($40)的味道帶腥,不太推薦。

攤位號碼:48

食得太多美食可以飲個椰青或椰皇,解解渴,兩款同售$30。

攤位號碼:39

芋圓豆腐花今次也出現在慶典中,熱豆腐花加上彈牙芋圓,簡單好味,售$20。細細粒鵪鶉蛋,一啖一粒,原味售$15,黑松露售$20。

攤位號碼:55

熱門小食手抓餅同樣有登場,每件售$40,餅底有原味及紫薯,另可任選兩款餡料,包括火腿、煙肉、栗米、芝士、肉鬆等等。

攤位號碼:53(Fruttato)

好食推薦之一,專門店熱賣的冰火雪糕泡芺,面層可選竹炭、綠茶、牛油和朱古力味,夾心雪糕可選香蕉、朱古力及綠茶,口感鬆脆,香蕉雪糕味道濃郁,但面層味道較淡,所以各種口味分別不大,每個售$35。另有芝士輪意粉,足料芝士勁香濃,售$35。

 

攤位號碼:18 (Ho lam bakery)

網上受歡迎小店的牛乳千層蛋糕($30)及曲奇/抹茶千層蛋糕($32)也有亮相,抹茶蕨餅更是今次慶典首次推出。抹茶蕨餅用上宇治抹茶粉製作而成,茶味勁香濃!

活動資訊

  • 日期2016年11月17日 - 2016年11月22日
  • 地址 西貢宜春街(特色廟會攤檔)
  • 開放時間12nn-11pm
  • 電話5235-3360

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓