香港人對台式料理的喜愛有增無減，趁著這趨勢，台式餐廳接二連三開業，名符其實「梗有一間喺左近」。而台式餐廳「臺茶薈」最近於天后開業，主打招牌牛肉麵和肉燥飯，設有樓上雅座，並有外賣、送餐、包場服務。
餐廳樓高兩層，樓上雅座適合親朋小聚。
裝修以白色和湖水綠為主，佈置簡單溫馨。另接受包場服務，可容納超過五十人。
餐廳有多款經典台式美食，唔少得牛肉麵和肉燥飯。
招牌紅燒牛肉麵($55)湯底用牛骨、牛腩、蕃茄等材料熬製，味道非常濃郁。
有齊牛腩、牛腱，軟腍入味。
麵條粗身似烏冬，十分爽口。
必食「大滿足肉燥飯」($45-$52)，肉燥飯全自家製，配有太陽蛋/滷蛋及時蔬。
肉燥肥瘦均勻，不怕膩，撈飯夠惹味。
肉燥飯可選配鹽酥雞扒，全部即叫即炸，外層炸得香脆，肉質鮮嫩，不過略嫌炸粉較厚身。
煎蠔餅(例牌$53/二人份$32)同樣即叫即整。
加入雞蛋、粉漿炸成，一邊炸一邊迫出油份。
啖啖蠔仔，入口香脆不油膩。
紅油抄手($42)，微辣，外皮較為厚實，與一般皮薄肉厚的紅油抄手不同，不過味道不錯。
仙草凍($32)內有芋圓、地瓜圓、仙草及珍珠，整體配搭清新甜度適中。
仙草滑溜，可惜芋圓較為實淨不煙韌。
珍珠奶茶($16)茶味頗濃但不苦澀，珍珠煙韌有咬口。
活動資訊
- 地址 香港天后永興街21號地下
- 人均消費$50或以下
- 開放時間7:00-22:00
- 電話2887-8929
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
