正在閱讀
【尖沙咀好去處】舊式士多+香港情懷主題限定店!率先睇港式文創商品/工作坊

【尖沙咀好去處】舊式士多+香港情懷主題限定店!率先睇港式文創商品/工作坊

2018.08.23

商務印書館最近與本地手作設計平台CRECRA合作,開設了一間主打香港情懷,並以舊式士多風格為設計的「CRE瀝卡啦士多」期間限定店,位於尖沙咀的期間限定店內有超過三百件本地文創品牌的「港式」手作及設計商品,另外仲會有三個免費工作坊等大家可以DIY獨一無二的產品,即刻睇睇有咩買同有咩玩啦!

 

期間限定店將於8月25日特設免費工作坊,只要登記成為CRECRA會員就可以免費入場玩晒三個工作坊!

 

熱縮膠片鎖匙扣工作坊以傳統日曆圖案設計,大家可以自行填上「宜」、「忌」事宜,為自己度身訂造一個日曆!

 

自家茗茶工作坊就可以親自沖泡港式奶茶,一定特別好飲~

 

對人格、性格有興趣就可以玩七型指紋性格工作坊,現場有一個超過十年研究指紋學經驗的達人幫你做一個性格分析,等你更了解自己的隱藏特質。

 

如果喜歡做手工的話亦可以考慮用$80參加花火瓶工作坊,花藝師即場教大家DIY花火瓶,仲可以送俾另一半,浪漫又有心思!

 

保鮮花及乾花加入特製保鮮液,可存放兩至三年。

 

如果當日惠顧LAZY DUO仲可享即場紋身貼紙黐貼體驗。

 

全部都係本地插畫師設計,充滿香港情懷~

 

有興趣參加以上工作坊的朋友可以預早網上報名或即場報名。不過名額有限,額滿即止~

 

店內仲有好多以懷舊香港做設計主題的商品,又靚又實用~

 

當中部分更係為今次限定店而設,其他地方買唔到架! 

 

期間限定店內仲有多個影相位,只要Follow CRECRA IG及上傳相片及標籤「#CRE瀝卡啦士多」及「#CRECRA」,仲可以換領萬年曆「宜、忌」Postcard!

 

另外,大家亦可以到限定店免費領取餐廳「羅麥記」$20現金券。

 

凡於店內消費滿$100仲即送CRECRA設計的香港主題文具,包括便利貼、紙膠帶等。

 

買滿$500就可換購帆布袋一個。

 

得閒經過可以去行下~

 

 

活動資訊

  • 開放日期 2018年8月23日 - 10月2日
  • 地點 九龍尖沙咀彌敦道132號美麗華商場一期B1地庫B108號舖(Cool Point)
  • 開放時間星期日至星期四:11am-9pm 星期五及星期六:11am-9:30pm

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠