辛苦搵嚟志在食，偶爾食餐好嘅先對得住自己！ICC 101樓呢個臥虎藏龍嘅地方，唔單只有米芝蓮級嘅大廚坐鎮，本地名廚亦比比皆是，而且無敵海景就喺你身邊，想今晚同BB浪漫吓，可以嘆住海景食法菜！同屋企人齊齊食豪啲，霸氣矜貴中菜亦Ready！陪Fd嗒住清酒傾吓計，日本菜就啱晒~~今晚就搵齊人嚟ICC踩返轉，畀味蕾一次超班刺激啦！
嘆盡五感貴氣 駕雲享美饌
係香港人嘅都知道環球貿易廣場係全港最高同最多樓層（101層）嘅摩天大廈，ICC Sky Dining 101就係位於呢度！而座落呢度嘅餐廳當然非池中物，好似香港著名廚神幟哥主理嘅龍壐、巴黎米芝蓮一星餐廳Le 39V、以及响日本地位非凡嘅田舍家，就係當中最為觸目！食客們唔單只可以享盡舌尖上嘅美味，仲可以將維港景色盡入眼廉！至於佢哋呢個秋季有乜推介？即刻去文一齊睇！
殿堂級中菜：龍壐
專攻傳統精緻粵菜嘅龍壐，一直堅持以新鮮食材烹調之外，仲會同各地嘅有機農場合作，務求精美又健康！今個秋季必試之物，首選12位用嘅特色午市套餐，大家可以齊齊試盡呢度嘅巧手美饌，見識吓乜嘢係用心粵菜！
生拆海蝦西施泡飯嘅湯底鮮味十足，無論香味同鮮味都做得好出色，蝦肉亦夠爽口彈牙，絕對滿足你嘅要求！
前菜方面，點心梗係一件都不能少！好似呢份點心拼盤咁，當中包括咗金銀滿屋（紅豆蓉煎堆仔）、鮑魚燒賣、鴻運當頭餃及春風得意腸，款款都精緻得令人心動；另一道黑松露芙蓉蛋蒸蝦球則先將蛋白與高湯蒸成底，然後再把新鮮蝦球煎香，加入濃香嘅黑松露，味蕾即刻醒神晒！
潤燒妙齡鴿係以吊燒做法炮製，嚴選BB鴿嚟製作，肉質特別嫩滑、外皮亦夠香脆，鐘意食乳鴿嘅人士保證唔會失望！
info
龍壐
地址：尖沙咀柯士甸道西1號環球貿易廣場（ICC）101樓C鋪
電話：2568 9886
星級巴黎風味：Le 39V
喺巴黎已經摘星嘅Le 39V，嚟到香港為貫徹水準，特別派出Chef Nicolas Raynal到港坐鎮擔崗行政主廚，而香港菜單上嘅菜式更加係沿用巴黎總店嘅名菜，所以嚟呢度就已經可以搵得到巴黎嗰份味覺啦！
煙燻日本鰺魚伴紅菜頭及芥末雪糕 $310
濃香四溢嘅煙燻味難得無掩蓋鰺魚嘅鮮甜，加入清新紅菜頭同味道特別嘅芥末雪糕，有著開胃醒神嘅刺激感覺！
香煎日本A4和牛配烤松茸 $880
松茸嘅迫人香氣已經令人難以抗拒，烤得半熟嘅A4和牛咬落毫無違和感，入口即溶全無多餘殘渣，演譯出何謂A4級數嘅和牛！
菠蘿蜜酥配椰子雪葩及青檸鮮奶油 $220
以Rum酒煎煮菠蘿後，配上鮮椰汁及椰肉製造嘅椰子雪糕，然後淋上鮮製菠蘿汁，勁Fresh好清新！
info
Le 39V
地址：尖沙咀柯士甸道西1號環球貿易廣場（ICC）101樓A1鋪
電話：2977 5266
正宗爐端燒：田舍家
嚟自六本木嘅田舍家已經有四十幾年歷史，係日本最具名氣嘅爐端燒店之一！而香港分店亦係田舍家首間海外分店，除咗承襲即席燒制之外，每日亦有新鮮飛機貨空運抵港；雖然呢度係高級日本料理餐廳，但廚師們都好樂於同食客打成一片，畀到大家一份親切感㗎！
爐端燒喜知次魚 時價（約$1,780）
由北海道每日新鮮空運到港嘅海產，完全同一般所見嘅喜知次大不同！肉身豐厚程度令人拍掌，而且每條都係野生手釣，夠晒矜貴，唔怪之得肉質特別鮮甜啦~
季節海鮮冬瓜煮物 $420 + 壽司拼盤$480
清新鮮味嘅冬瓜煮物上層以花竹蝦、海膽、三文魚籽等配搭而成；以低溫烹調嘅冬瓜入口即溶，大廚再以頂級昆布慢煮帶子，令帶子每口都帶有海洋氣息。至於壽司午餐就絕對係呢度必食之作！共12件嘅壽司款款都係精選，大拖羅、馬糞海膽、天使蝦、赤貝等全部新鮮出眾，另有天婦羅等配菜，畀你大滿足！
鐵板燒鵝肝、活鮑魚及美國牛肉套餐 $670
以白蘭地及焦糖醬煎煮法國鵝肝帶點甜味，有別於一般做法，夠特別！而鐵板燒南非活鮑魚彈牙又爽口，加埋牛味出名濃郁嘅安格斯級牛肉做鐵板餐嘅主角，呢個餐抵食呀~
info
田舍家
地址：尖沙咀柯士甸道西1號環球貿易廣場（ICC）101樓A2鋪
電話：2972 2666
資料由客戶提供
活動資訊
- 地址 尖沙咀柯士甸道西1號環球貿易廣場
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【社群送禮】麒麟一番搾啤酒及禮品套裝！↓
↓麒麟一番搾啤酒杯／櫻花富士山杯／櫻花玻璃碟↓
