正在閱讀
與你探索銀河的秘密!

與你探索銀河的秘密!

2018.11.15

今時今日睇展覽,已經跳出「遠觀欣賞」嘅框框,嚟香港太空館,仲有好多嘢玩,一定可以滿足咁多位好奇寶寶!「常設展覽」喺合共面積1 600平方米嘅「宇宙展覽廳」和「太空探索展覽廳」內約一百件展品當中,大約有七成屬「互動」展品,透過有趣嘅互動展品,配合燈光效果同環境佈置,帶你衝出地球,探索宇宙,仲可以進入虛擬太空站,體驗喺太空中處於無重狀態下失去了上下方向嘅感覺。每個項目都充滿驚喜,為你帶來好玩有趣嘅太空體驗。

呢個就係利用乾冰製成彗星嘅「冰封天體」展品,仲會模擬彗星嘅噴流及運動,十分生動。


調教極光+自製彗星+太空漫遊體驗

地下嘅「宇宙展覽廳」展示探索宇宙由近至遠嘅概念,即係show畀大家睇由依家身處嘅太陽系開始,再推展至恆星,銀河系及更遙遠嘅星系,從中探索宇宙嘅演化及相關科學。一於透過有趣嘅互動裝置作深入了解,首先去玩「極光」展品,可以自助調校真空管內太陽風嘅強度,喺地球模型上產生極光;而「冰封天體」就利用乾冰製成彗星,模擬彗星嘅噴流及運動,好amazing;「宇宙演化劇場」展示宇宙從大爆炸至現在嘅演化;而極人氣嘅「重力衝浪」就畀大家企喺滑浪板上於太空各天體間穿梭,了解重力對空間嘅扭曲,眾多展品都好玩有趣,有得睇又有得玩,真係大人細路都啱架!

 
只要走入呢個上下顛倒嘅虛擬太空站,就可以感受喺太空中處於無重狀態下迷失方向嘅感覺。這裡用了7部投影機同步投射影像,做出仿如處身無重狀態下的視覺效果!


走入模擬太空站感受迷失方向嘅感覺

一樓嘅「太空探索展覽廳」以太空探索和太空科技嘅發展為主題,嚟到呢度,終於可以扮太空人,走入虛擬太空站,感受喺太空中處於無重狀態下迷失方向嘅感覺;又可以扭動固定嘅轉盤令自己轉動,由「作用力與反作用力」展品中了解反作用力喺推動火箭嘅原理……介紹都咁精彩,仲唔快啲嚟join?


Source:康文署

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠