出嚟啦比卡超！超人氣的Pokémon角色們今個冬天將會來到香港同大家見面，一齊歡度聖誕節！黃埔天地將會有7.5米的巨型比卡超出場，非常壯觀！而在商場中則有由近百隻Pokémon組成的2米高聖誕樹可以俾大家瘋狂合照，同時也會有閃亮的比卡超聖誕燈飾在商場的不同角落出現。Pokémon迷一定唔可以錯過啊！
黃埔天地在11月開始會有「黃埔天地Pokémon聖誕大量発生企劃」，帶同一眾Pokémon角色同大家見面，最搶眼的當然就是 7.5米巨型充氣比卡超！
而在最新的聖誕大電影《劇場版精靈寶可夢——我們的故事》中的「風來城」也會成為市鎮裝置來到香港，裏面遍佈著Pokémon大型毛茸公仔，包括比卡超、吉利蛋、伊貝、卡比獸等，同場還有由近百隻比卡超及伊貝組成的2米高聖誕樹，大人細路都會鐘意！
還可以同比卡超一齊登上聖誕列車車廂。
商場內外都有比卡超的閃亮燈飾，Fans可以盡情影相！
在11月24及25日、以及12月2、8及22日的2:30pm及5:30pm更會有《比卡超及伊貝抱抱會》，大家可以趁機同比卡超和伊貝合照。
場內仲有得免費試玩新出的Nintendo Switch《精靈寶可夢 Let’s Go！皮卡丘／伊貝》。
另有期間限定店，出售多款小精靈的精品，粉絲們影完相仲可以帶埋紀念品返屋企！
另外仲有扭蛋區，有多款得意扭蛋！
「黃埔天地Pokémon聖誕大量発生企劃」將會在2018年11月17至2019年1月1日舉行，而「風來城」裝置則會在12月1日才正式與大家見面，Pokémon Fans們要Mark實日期啊！
電影《劇場版 精靈寶可夢 我們的故事》即將於12月13日聖誕上映，由2018年11月24日起，顧客於黃埔天地任何兩間不同商舖以電子貨幣消費滿港幣$1200或以上，連同對應之即日機印發票，即有機會參加於12月1日舉行的電影首映開幕禮。而顧客於指定期間於任何兩間不同商舖以電子貨幣消費滿港幣$600或以上，連同對應之即日機印發票，即可換領《劇場版 精靈寶可夢 我們的故事》電影換票証兩張。每日數量有限，換完即止。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
