正在閱讀
【聖誕節2018】元朗Yoho Mall白色聖誕雪國森林登場 7米高聖誕樹/星光隧道

【聖誕節2018】元朗Yoho Mall白色聖誕雪國森林登場 7米高聖誕樹/星光隧道

2018.11.22

元朗YOHO MALL今個聖誕節利用了過100棵白色聖誕樹打造了白色聖誕雪國森林,YOHO MALL現場除了有過100棵白色聖誕樹俾大家任影之外,仲有多個影相位,包括夢幻泡泡屋、星光隧道等6個影相位,俾大家可以同閨蜜或者男女朋友打卡影靚相。而商場另一邊亦有冰雪樂園,樂園中有一大片雪地,場內仲會不時落飄雪,等大家可以一邊望住飄雪一邊玩雪球大戰!除此之外,元朗YOHO MALL亦置有2大富聖誕特色的攤位遊戲,大家可以在聖誕節期間去元朗YOHO MALL玩遊戲贏禮物。

元朗將會在11月起舉辦「YOHO White Wonders」聖誕活動,為大家帶來一個白色聖誕。

冰雪樂園中有一大片雪地,場內仲會不時落飄雪,非常浪漫。

大家仲可以在雪地同朋友一齊玩雪球大戰同堆雪人添。

同場仲有條高4米長16米的冰雪滑梯,等大家可以一試由高處高速滑下的快感。

除此之外仲有滾球障礙賽同雪橇對壘等聖誕遊戲,等大家可以在聖誕節期間同朋友一齊玩。

商場另一面則會有「雪之森林」。現場有超過100棵聖誕樹配上幻彩燈光,非常浪漫。

現場仲有棵7米高聖誕樹俾大家任影。

入口有可愛的白色北極熊等同大家合照

現場仲有充滿童話色彩的夢幻泡泡屋,大家可以同朋友邊玩影靚相。

小屋旁邊仲有粉色氣球浪漫長椅可以影相

由多個燈泡組成的星光隧道照亮茫茫雪地,好夢幻呀!

現場還會有冰雪聖誕遊戲攤位,讓大家一邊玩一邊贏禮物,過一個熱鬧聖誕!大家只要登記成為mYOHO MALL CLUB 會員就可以憑積分玩遊戲㗎啦!

「雪之森林」同攤位遊戲將會於即日至2019年1月1日同大家見面,有興趣去玩的朋友記得mark實活動日期啦!

 

活動資訊

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠