正在閱讀
屯門市廣場30週年 呈獻最大型商場光影盛典

屯門市廣場30週年 呈獻最大型商場光影盛典

2018.11.23

正所謂人生有幾多個30年~屯門市廣場陪住香港人30年喇!嘩嘩嘩!生日梗係要大搞,即刻拆解下可以搞到幾大先!                                             

金像獎及金馬獎得獎者打造 全港最大型商場光影匯演!

「我們的30年 - 屯門市廣場光影嘉年華」重頭節目就係全港最大型商場光影匯演,由金像獎及金馬獎最佳視覺效果得獎者黃宏達特別為商場度身打造,將荷里活電影常用的科技Motion Capture,注入三分鐘嘅短片中,用輕鬆有趣手法講咗屯門30年嘅轉變,帶領觀眾時光倒流至70年代,見證由一個農村變成新市鎮,仲有幫SAMMI排舞嘅Sunny Chan編排由七十年代至現今嘅舞蹈,絕對係第一次出現咁特別嘅演出。

中央廣場化身為紅館級數舞台

升降舞台唔係淨係紅館先有架,而家屯門都有喇! 由6米高、13米闊嘅巨型LED作背景,圓形舞台有以LED屏幕組成嘅五層升降台,影像升高降低,好似睇緊紅館嘅大SHOW,絕對係全場亮點, IG必影嘅打卡位呀!

偶像明星、藝術家雲集開SHOW

難得有個華麗舞台,台上發生嘅事當然都同樣具分量!邀請黃金兄弟嘅鄭伊健、謝天華、錢嘉樂同林曉峰,之後仲有容祖兒、鍾鎮濤、林奕匡同師兄劉浩龍等,都會嚟到現場同Fans近距離接觸,唱歌、玩遊戲!

除咗本地明星個個星期表演,仲會有烏克蘭藝術家Kseniya Simonova專程為商場30週年紀念設計嘅沙畫表演,配合音樂同光效,讓觀眾欣賞到一個截然不同嘅藝術表演。Nintendo Switch亦會現場進行電競比賽、仲有充滿嘉年華風情嘅雜技表演等等,總有一款啱你心水!

踏入12月 驚喜再加碼

話明生日要大搞,點少得送生日禮物!只要你身份証上姓名、生日或身份証號碼有齊「tmtplaza30」裏面8個不同的字母及數字,即有機會獲贈Nintendo Switch遊戲機、Dyson風筒、吸塵機等超正獎品,就算中7個或5個都會有其他優惠,仲唔睇下自己或者身邊有冇朋友中,30號生日又姓譚嘅朋友已經中5個字喇!

屯門市廣場仲準備咗啲$30同$300超荀貨品俾大家瘋搶,例如$30買$100 Log-on禮券、$300買DYSON SupersonicTM風筒! 真係超吸引!詳情好快就會公佈,記住留意屯門市廣場Facebook啦!

大家有冇喺屯門市廣場發生過咩難忘事呢?有就可以參加屯門市廣場Facebook舉辦「我們的30年 –我和屯門市廣場的歷史回憶」活動遊戲,分享2010年之前喺屯門市廣場影低嘅相片同難忘回憶,就有機會獲得商戶現金禮券喇!咁多豐富節目,快啲mark實日子嚟狂歡吓!

 

*資料由客戶提供

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠