【新蒲崗好去處】嘉禾啟德戲院進駐新蒲崗 預計聖誕節前開幕

文: 王庭芝
2018.12.13

各位電影迷有無留意到2018年港九新界都開咗唔少新戲院?來到年尾,九龍區又多一間新戲院即將揭幕,嘉禾啟德將於本月進駐新蒲崗越秀廣場,預計聖誕前開幕,戲院特別推出早鳥會員登記優惠,啱晒戲迷們聖誕節睇好戲!

2018/12/24更新:

新蒲崗嘉禾啟德落實於今個平安夜正式開業,戲院最新公布正場2D票價為$75,早場更只需$45,票價行親民路線!

票價一覽:

-----------------------------------

2018/12/18更新:

嘉禾啟德預計今個聖誕前開幕,戲院佈置大走文青風,融入大量木材設計。

院內設有2個放映廳,合共提供203個座位。1號院有77個座位加4個輪椅位,2號院有118個座位加4個輪椅位。

戲院重視空間感,座椅每行之間足足1.1米寬,觀眾無需擔心不停被人踢到椅背。

大堂設有自助取票機,方便已經網上購票的顧客自行取票,顧客亦可即場自行購票。

影院位於越秀廣場3樓,而售票處設於商場地下大堂,由大堂乘搭升降機上3樓,會到達小食部及等候區。

嘉禾啟德戲院可望聖誕節前開業,首輪上映電影包括《水行俠》、《大黃蜂》及《無敵破壞王2:打爆互聯網》。

 

詳細票價有待進一步公布。

-----------------------------------

嘉禾院線繼今年6月於屯門開設「StagE」之後,今個12月尾即將再開新戲院,位於新蒲崗越秀廣場的「嘉禾啟德」預計聖誕節前開幕,嘉禾由今年10月開始動工,據知該院址前身為教會。

(配圖為StagE)

嘉禾啟德推出開幕優惠,12月18至20日期間只需以優惠價$50就可登記成為會員,新會員即可以獲贈電影禮券一張及小食部優惠券一張,聖誕節咁多好戲睇,啱晒!

 

早鳥會員招募活動詳情:

日期:2018年12月18至20日

時間:下午 1 時至晚上 8 時

地點:嘉禾啟德地下票房(九龍新蒲崗寧遠街9號越秀廣場)

入會費用:HK$50

 

更多戲院詳情有待進一步公布,記得密切留意港生活報導。

 

活動資訊

  • 地址 九龍新蒲崗寧遠街9號越秀廣場

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓