正在閱讀
【太子/杏花邨美食】粉藍旋轉木馬童話主題Café!坐南瓜車嘆心太軟/原條豬肋骨

【太子/杏花邨美食】粉藍旋轉木馬童話主題Café!坐南瓜車嘆心太軟/原條豬肋骨

2019.05.09

唔少女仔放假都鍾意約埋閨蜜出去行街食嘢,同三五知己出去搵食,當然要搵一間環境靚,最好有埋影相位的café,可以邊食邊傾計之餘仲可以影相打卡,過一個悠閒的週末。CAFE PARADISE在香港有三間分店,其中一間位於杏花邨的分店就以粉藍色童話主題設計,店內有巨型旋轉木馬、南瓜車、熊啤啤等影相位,就連餐牌都用了立體城堡設計,好夢幻,放假想搵間靚café又有多一個選擇啦~

CAFE PARADISE杏花邨店以粉藍色童話主題設計,店內最搶眼的必定係巨型旋轉木馬,旁邊仲有照片牆,溫馨夢幻~

 

另一邊仲有南瓜車設計的座位,坐入去和朋友傾計影相一流!

餐廳的食物選擇有好多,心水推介烤原條豬肋骨,BBQ醬汁酸酸甜甜好開胃,薯角配菜香脆可口。

假日想食個Brunch可以選擇ALL DAY BREAKFAST,有漢堡排、煙三文魚、炒蛋、薯餅、烤蕃茄等,非常足料!

另外仲有鐵板意粉、飯等主食,熱辣辣上碟夠惹味。

食完主食可以加杯特飲或甜品,推介流心朱古力心太軟,朱古力香濃唔會太甜膩~

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠