全球首間 Pinkoi實體店最近於荃灣南豐紗廠正式開幕,除了有大量熱賣商品之外,Pinkoi Shop每月都會推出一個期間限定主題區,以該月的特定主題佈置及放試主題產品,今個月Pinkoi Shop就以香港情懷作主題,舉行《This is HONG KONG》香港設計主題展覽,邀請了三位插畫師 Kazy Chan、The Painful’s Law 和 Peichung 將他們與香港的小故事呈現,訴說童年回憶及對香港的愛,大家記得要去捧場啦!
Pinkoi實體店現時正舉行《This is HONG KONG》香港設計主題展,展出了近20位香港品牌設計家品,有唔少以香港情懷作設計意念,包括港式茶餐廳、飛行棋等等,相信唔少香港人都會有共鳴!
推介《奶茶通俗學》,相信香港人睇到會好有共嗚!
唔少作品都有畫上具香港文化特色的插畫,有「茶記」、廣東話口語等等。
除了香港設計商品,仲有唔少本地新晉設計師作品,大家可以睇睇有冇啱心水,支持一下香港設計!
其中一款無線充電器更和Sanrio人氣角色聯乘,好可愛!
Pinkoi實體店另一邊就放置了各地設計精品小物,包括五大 Pinkoi熱賣品牌,以後買嘢可以去門市試用一下啦~
另外,Pinkoi亦首次和意大利品牌MOLESKINE推出聯乘筆記簿,設計簡約好用,粉絲可以考慮買返本。
《This is HONG KONG》香港設計主題展由即日起至8月底,之後就會轉為其他主題,有興趣就要快啲去睇睇啦。
活動資訊
- 日期2019年8月19日 - 2019年8月25日
- 地址 荃灣白田壩街45號南豐紗廠3樓307號舖Pinkoi Shop