中秋佳節除了賞月食月餅，仲可以行市集、聽音樂會！今個周末9月14日在西九藝術公園海濱草坪將會舉行「秋日青藝節」，有手作市集、免費藝術工作坊、美食攤檔、草地音樂表演、親子遊戲及中秋影相位等等。活動免費入場，大人小朋友啱玩，寵物都可以參與，可以一齊共度中秋！
手作市集匯集60個本地創作單位攤檔，有飾物、手錶、服裝、護膚品、布藝、皮革等產品，啱晒文青到場尋寶，場內更有十個免費工作坊開放公眾參與，包括製作燈籠、蠟燭、押花飾物、捕夢網匙扣、ART JAMMING、皮革產品等。
大會邀請到林奕匡、小塵埃、R.O.O.T DUO等歌手帶來音樂表演，另徵集了九組Busker表演，有興趣記得到場支持！
點擊圖片放大
場內亦設有美食攤檔，包括天天海南雞飯，Iconic H、林記小食、HOOMAN、KALA TOAST、LABMADE分子雪糕、CLING JUICERY及LITTLE IDEA，玩完可以隨時醫肚！
秋日青藝節更將本地本地藝術家卓文設計的巨型發光月兔，帶到西九藝術公園海濱草坪，可以一邊欣賞圓月一邊影相打卡。另外更準備多項親子遊戲，包括巨型充氣彈床、人肉保齡、猜燈謎、擲彩虹換燈籠等遊戲，一家大小都可以感受到節日。
點擊圖片放大
活動當日4:30pm至8:30pm將有穿梭巴士來回港鐵九龍站A出口至活動場地，候車地點請留意秋日青藝節的官方Facebook或Instagram公佈，入場更免費贈送精美TOTE BAG或野餐墊一份，想去記得mark實日期地點！
點擊圖片放大
圖片來源：西九文化區管理局
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
