正在閱讀
綠色建築嘉年華x免費綠色工作坊x市集,邊玩邊長知識!

綠色建築嘉年華x免費綠色工作坊x市集,邊玩邊長知識!

2019.09.17

週末想玩又唔想虛耗光陰,不如參加9月21至22日全港唯一一個以綠色建築為主題嘅大型活動-「香港綠色建築週2019」,一路玩一路學嘢!透過一連兩日精彩嘅活動,包括有文青最鍾意嘅綠色手作工作坊,一邊做手作,一邊學習同綠色建築有關嘅知識~仲有攤位遊戲同綠「惜」市集,等大家認識生活中嘅綠建、環保元素,加埋人氣打卡位,一齊盡情享受呢個綠色建築週,保證有嘢學、有嘢玩!

香港綠色建築週2019以「綠建大搜查」為主題。

免費綠色工作坊

「香港綠色建築週2019」設有綠色升級工作坊俾大家製作屬於自己嘅小手作~呢啲小手作除咗可以發揮到大家嘅藝術天份,就連用材料都同綠色建築息息相關!

強烈推介大家參加多肉植物水泥盆景工作坊,多肉植物咁可愛,你又點可以唔帶佢哋返屋企?多肉植物嘅盆以水泥作為材料,帶有型格嘅感覺!而為推動綠色建築,現時發展商會將本港建築或拆卸工程產生嘅廢棄石塊轉化為有用嘅混凝土石料,以免呢啲天然資源丟棄喺堆填區中。水泥唔止可以成為環保建材,仲可以成為手工藝品,承托多肉植物,令辦公室、屋企充滿生氣!

水泥同多肉植物都係近年流行嘅玩意,透過多肉植物水泥盆景工作坊你可以製作屬於自己嘅小盆景。

想製作更創新嘅手作?工作坊仲設有竹風鈴班!以竹製成風鈴,咁獨特嘅配搭,只有綠色建築週先有!清脆嘅風鈴聲,加上微風,諗起都消暑!

建築內使用竹,所帶來嘅好處仲多!竹嘅生長速度較快,用作建築材料,對環境影響較少。配合特別嘅建築設計,例如「竹門、籬笆」或百葉窗,可以有對流風嘅效果,令室内更加涼快!

竹風鈴工作坊內,你可以利用竹片製造風鈴,掛喺屋企都幾有feel。

係唔係心思思想參加呢?工作坊名額有限,得翻少量名額比大家即場報名,手快有手慢冇!心動不如行動~

做完手作,不妨打卡分享你嘅作品~綠色建築嘉年華設置了唔少可愛趣緻嘅打卡位,包括限定電子相框。只要加入綠建之友,認識綠色建築,就可以透過場地相機合照後,揀選心儀相框,得到電子相一張,唔單止環保,仲可以即時放到社交平台同好友分享!

限定電子相框只有綠色建築週先有!

當日人氣綠色建築KOL「綠築仔」及「慳神」亦會驚喜現身跟大家合照留念~

環保市集體驗綠色日常

玩到攰?不妨行下綠「惜」市集,只要動動腦筋行多一步,原來衣食住行每一個環節,都可以活得更低碳更環保!市集入面有好多綠色產品,例如環保餐具等等~唔單止建築要夠綠,大家嘅生活都可以充滿綠色!

綠「惜」市集中會售賣不同綠色產品,包括採用天然有機原料的環保洗衣粉~

亦有環保酵素等環保產品,夠哂愛護環境!

玩咗一日,係時候要挑戰自己喺綠建上嘅知識有幾多!現場有多個遊戲攤位,考考大家今日學習嘅成果!答啱問題,儲夠指定數目嘅印章,就可以換取精美獎品~包括有限定版環保杯套,令你可以有型地帶水瓶出街!

有得手挽嘅環保杯套,環保得嚟又有型,一定要贏佢翻屋企啦!

9月21至22日,香港綠色建築週 2019,約定你!

香港綠色建築週2019

時間:9月21至22日中午12時-下午6時

地址:建造業零碳天地(九龍灣常悅道8號)

Facebook:www.facebook.com/hkgreenbuildingcouncil

網站:www.hkgbc.org.hk/tch/engagement/public-initiatives/hkgbw

想了解更多「香港綠色建築週 2019」的活動詳情,大家亦可留意香港綠色建築議會Facebook專頁或官方網站的最新消息~

Facebook:www.facebook.com/hkgreenbuildingcouncil

活動網站:www.hkgbc.org.hk/tch/engagement/public-initiatives/hkgbw

資料由客戶提供

活動資訊

  • 開放日期 2019年9月21日 - 22日
  • 地點 建造業零碳天地(九龍灣常悅道8號)

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠