完整version: $223食盡靚牛肩胛|馬祖火鍋放題任食2小時|高質台式藥膳火鍋|將軍澳食咩好?2022美食優惠 https://youtu.be/3HIkC5Jvnno 好耐冇食過打邊爐任食啦! 有個friend不斷推薦呢一間馬祖,因為啲名都差不多,好似食過又好似未食過咁,最尾就決定食佢喇😎 睇到湯底嗰一下係有啲驚喜嘅!尤其是對個爆漿熔岩芫荽湯🤣 利伸:其實我係唔食芫荽嘅,不過見佢幾過癮,好有記憶點! 當然最後係嗌咗其他啦,一個嗌咗藥膳椰子清雞湯,另一個就嗌咗藥膳蕃茄麻辣湯🤤 個椰子清雞湯超入味,雖然嚟到嘅時候個鍋入邊係冇雞嘅,但係個湯底浸滿濃郁嘅椰奶香同埋肉味,食得出係用咗好多材料去熬製嘅一個湯底😎 另外個麻辣湯底揀咗中辣,辣到一般,佢係帶有甜味嘅嗰種辣,唔會食到個嘴好麻🤤但係因為佢椰子雞湯實在太好味,搶晒風頭🤣 佢個鍋冇雞,但係出邊自助區係有帶骨嘅雞件嘅,啲雞係勁新鮮,食落去冇雪味,亦都好嫩滑🤪 我可以講呢度嘅湯底同埋雞件係我食過嘅咁多間打邊爐舖頭入邊最正嘅😙 打邊爐就當然唔少得肥牛啦, 我哋叫咗$223個套餐,佢只係得一款牛嘅選擇,但係呢一隻牛種都已經係非常出色,可以話同坊間嘅$300價位嘅牛同LV🥩 豬肉片嘅質素都不錯,食落去好有肉味,唔會剩係得啲肥肉位 自助區都仲有好多唔同嘅選擇,特別啲嘅有台灣腸,同埋芝士魚腐仲有粉絲🥰呢啲都係出邊嘅比較少見,仲有一個值得讚嘅係個萵筍切得好薄,唔使烚太耐,就已經好軟身,入晒湯汁😁 的確係一間CP值極高嘅火鍋任食😎 馬祖 (將軍澳) 將軍澳唐德街1號將軍澳廣場1樓1021-1023號舖