首頁   >   華嫂冰室(元朗屏山店)   >   華嫂冰室(元朗屏山店)

華嫂冰室(元朗屏山店)

文: CC長期餓
2015.10.15
CC長期餓
地點: 元朗屏山坑尾村 84 號  
開放時間: 周一至周六 8am-1pm;2pm-5pm 周日休息
查詢電話: 2617 2232
消費提示: 平均消費: $30 - $40 。
前往方法: 路線 - 步行 沿屏山文物徑,經過鄧氏宗祠行至坑尾村公廁斜對面即是。

華姐秘製番茄太陽蛋菠蘿油,感覺是豪華版菠蘿油。

華姐秘製番茄太陽蛋菠蘿油,感覺是豪華版菠蘿油。位於元朗屏山的華嫂餐廳是不少老饕的聚腳之地,不少電視台亦慕名而至,箇中奧秘在於其招牌番茄太陽蛋菠蘿油。

番茄太陽蛋菠蘿油是華嫂獨創,微暖的菠蘿包內夾上牛油,另外亦加入了一隻荷包蛋和新鮮番茄,使包內擁有牛油的咸香、菠蘿包的脆、番茄的爽,比起一般的菠蘿包可謂升格了不少,據聞鄧達智每次回屏山都會來品嚐星級菠蘿油。 除了菠蘿油外,店內的粉麵以至奶茶亦具水準。其中香煎豬扒麵煎香的新鮮豬扒入口鬆軟,更轉做番茄或皮蛋芫茜湯底,非常健康。店內的奶茶亦極具人氣,茶與奶的比例恰到好處,喝入口帶有餘甘。

店鋪不算大,招牌也是細細的。店鋪不算大,招牌也是細細的。

店內不難發現鄧達智的蹤跡。店內不難發現鄧達智的蹤跡。

評語
伸延閱讀
[元朗] 華嫂冰室 | 價錢超抵既港式風味: 菠蘿包、蕃茄通、冰花奶茶
文 : 糖小妹搵食軼事
2016-12-29 18:27:13
有時為左食真係可以去到好盡,可以一早走入元朗屏山就係為左食呢間近期好紅既華嫂,仲要有個人唔介意可能要排隊排好耐,肯願意陪你晨咁早入去食個早餐,幸福其實就係咁簡單。  由元朗站行去屏山約十幾分鐘,一朝早慢慢行入去,吸收下新鮮空氣其實都幾好,諗諗下小妹都好耐無試過係週末晨咁早去食早餐了,起床時間真係比返工仲早呢。    八點幾入到去已經唔少人係度食緊早餐,不過可能時間尚早,所以唔使排隊直接有位,不過就係坐外面。但過多陣,外面開始要等位了。(小妹大呼好彩!)  望望餐牌,食物款式唔多,分為麵包同麵食類,一早就知道邊幾款係華嫂必食名物,所以就決定個幾款吧。  冰花奶茶 $18 看到面頭的冰花嗎?店子原來用了奶茶冰來做這杯奶茶,這樣味道便不會被冰粒溝淡,很貼心呢。 這杯奶茶的茶味和奶香也平衡得宜,沒有互相搶去其味道,飲落順口幼滑,滲出陣陣茶香,好飲。  招牌菠蘿包 $15 入黎必食既招牌菠蘿包,菠蘿包都算係香港既名物之一,平時多數夾多塊牛油(俗稱:菠蘿油) 已經超級邪惡。呢度仲要夾埋蕃茄片、雞蛋同芝士,超級豐富都只係賣$15,好抵食呢。  菠蘿包烘至熱辣辣,切開半,看到煎雞蛋仍帶有點半熟狀態。咬落麵包面層鬆脆,菠蘿皮脆身香甜,配埋軟屬既麵包確係無得輸; 由於雞蛋黃未全熟,所以食落蛋香味濃郁,配埋芝士相當滋味。如果唔係地方太偏,相信小妹會成日黎食呢,買個外賣都好呀。  招牌芝士咸牛肉蛋朱仔包 $17 烘過的朱仔包內夾了厚厚的芝士片和份量很實在的鹹牛肉。對於小妹這芝迷,看到那片厚厚的芝士確係令人垂涎三尺。  味道當然也是頗不錯的,鹹牛肉和芝士是相當夾的組合,芝味也滿明顯,配上甜甜味道的朱仔包,又係令一個滋味配搭。比起普通茶餐廳的蛋牛治,這個實在有誠意太多了。  鮮茄豬扒雞翼通粉 $39 係呢幾款面食物入面最貴既一款,蕃茄湯底相當杰身,味道相當濃郁,所以食落相當飽肚。而豬扒同雞翼(2隻)味道就一般吧,但為左個湯底絕對可一試。 建議可兩人分享一碗,再試埋其他名物。 兩個人賣單只係$107,性價比高,兩人都食到相當滿足的離開,真係好想再入黎食多次呢,不過唔知幾時先再捨得咁早起身入黎食。 華嫂冰室 地址: 元朗屏山坑頭村 電話: 2617 2232 營業時間: 星期一至六:08:00-13:00;14:00-17:00 星期日休息 原文刊載自 糖小妹的美食吃喝生活事Blog,本篇圖文獲作者 糖小妹搵食軼事 授權刊登,未經許可,請勿轉載。    HK 港生活 APP 登場!Android 版:立即下載IOS 版:立即下載 Follow us:即like UHK 港生活facebook, 玩盡全港好地方;Instagram: @ulifestyleh...
元朗   |   港式
糖小妹搵食軼事