連繫好生活

【聲明】 港生活網站並無進行電話推廣活動

首頁   \   大東山   \   【JoyeeWalker行山系列】3分鐘行完 賞・包羅萬有《大東山》

【JoyeeWalker行山系列】3分鐘行完 賞・包羅萬有《大東山》

地點: 大東山  

大東山 之 純文字攻略:(方便大家copy定行山時睇番)

係東涌鐵路站集合,再去巴士站搭巴士11或23號,去到伯公坳站落車,正式出發!

約2分鐘:見到一大涼亭,正式上山出發。
約30分鐘:無路牌,右邊有小路去亂石堆,直去大路繼續上大東山。
沿大路都會有d小路去到d巨石休息下,想上大東山只需沿大路一直上去。
約1小時20分鐘:無路牌,左轉為上猩猩石捷徑,直走係大路前往大東山,想挑戰難度可左轉,直去亦可到達猩猩石。
約1小時30分鐘:離開猩猩石。
約1小時32分鐘:分叉路左轉接回大路上大東山山頂。
約1小時40分鐘:到達大東山山頂。
約1小時50分鐘:離開大東山山頂後可從大路繼續向爛頭營進發,或左轉行小路到爛頭營,最緊要望住爛頭營方向走。
約2小時5分鐘:到達爛頭營及影芒草聖地。


約2小時25分鐘:離開爛頭營黑色屋仔及影芒草聖地,向其他屋仔方向繼續行。
約2小時35分鐘:有路牌,左轉向南山方向進發!
約2小時42分鐘:有路牌,右轉向梅窩方向進發。
約2小時55分鐘:有路牌,右轉向南山方向進發。
約3小時:無路牌,見到有塊爛地,左轉向南山營地方向走。
約3小時40分鐘:有路牌,十字路口右轉向嶼南道方向走。
約3小時41分鐘:有路牌,靠左行向嶼南道方向走。
約3小時45分鐘:接上馬路左轉直出嶼南道!

係嶼南道可等待3m巴士到東涌地鐵站轉乘鐵路離開! 

難度:⭐︎⭐︎⭐︎
長度:⭐︎⭐︎(約八公里)
時間:約四小時(大量拍芒草時間)
起點:東涌鐵路站〉巴士11或23號〉伯公坳
終點:南山營地〉巴士3M號〉東涌鐵路站

路線特色 :
賞・包羅萬有,大東山除左係睇芒草既代名詞外,仲有好多靚野不容忽視!
有大量既宏偉巨石!
以sunset命名既山頂睇日落晚霞!
獨有而神秘的爛頭營小屋!
行一陣就可以飽覽既廣闊海景!

唯上落波幅大!為香港第3高山峰,務必衡量體力是否足夠! 

去片!

原文刊載自Joyee Walker,本篇圖文獲作者 Joyee Walker 授權刊登,未經許可,請勿轉載。

 

 

HK 港生活 APP 登場!
Android 版:立即下載
IOS 版:立即下載

Follow us:
即like UHK 港生活facebook, 掌握全港最新活動資訊;
Instagram: @uhkofficial

Like埋 Mall王facebook, 緊貼全港shopping優惠;
Instagram: @mallkinghk

內容評分
評語