熱愛優質生活
首頁   \   網民熱話   \   網瘋傳「兵變」潮文 IT男:焗豬有幾好食都唔知講咩將來!

網瘋傳「兵變」潮文 IT男:焗豬有幾好食都唔知講咩將來!

2017.03.23

近日一篇關於拜金港女在快餐店被狠飛的潮文在網上瘋傳,一位陳姓的網友目睹事發過程,並於Facebook開心share,沒想到引來過萬網友狂like,內容提到這位網友在快餐店用餐時,見到一位IT男和其「老蘭戰鬥格」打扮港女女友,女友對於IT男帶自己去快餐店食「焗豬」甚為嫌棄,諸多不滿,直指:「茄又唔係意大利茄,豬扒又唔知係唔係有病巴西豬。」

當IT男冷靜回應:「又係你問我想食乜嘅。」港女立即扯火,抱怨男友「鬧」自己,又指對方以前唔係咁,不過好戲在後頭,IT男並無坐以待斃,而是繼續以平靜聲線回應,踢爆日前見到女友「同第二個男人去老蘭食飯直落」。

 

雖然女友打算箍煲,不過IT男繼續爆,表示自己苦追女方兩年,個個月「進貢」萬元禮物,兼做「柴可夫」,都被女友嫌襯自己唔起,如今見到IT男收入可觀,父母有錢兼有英國籍,態度隨即180度轉變,更催男友結婚生B。

 

港女女友似乎想死纏唔放,認低威說自己已經「大個女」,才開始「講將來」,又說面前的IT男才是一生一世對象。然而,IT男不為所動,更爆粗說:「X你連焗豬有幾好食都唔X知講咩將來!」令港女「紅都面晒」,問男友係咪飛自己,IT男就霸氣回應:「係,無咩唔好阻我食埋個焗豬。

 

這個IT男「兵變」的故事,獲大批網友讚好,有網友笑言女友靚都不及焗豬靚,大讚IT男係「真男人」,而且睇嚟男人的浪漫,繼青島加豆腐火腩飯,原來「焗豬」都係!

原文出處:FB@Rory Chan

 

配圖:大快活官網

 

 

 

HK 港生活 APP 登場!
Android 版:立即下載
IOS 版:立即下載

Follow us:
即like UHK 港生活facebook, 掌握全港最新活動資訊;
Instagram: @ulifestylehk

Like埋 Mall王facebook, 緊貼全港shopping優惠;
Instagram: @mallkinghk

內容評分
評語