熱愛優質生活

【聲明】 U Lifestyle網站並無進行電話推廣活動

首頁   \   網民熱話   \   家長投訴自閉兒子長期受欺凌 校長隱瞞事件: 無人睇到,無可能信你小朋友

家長投訴自閉兒子長期受欺凌 校長隱瞞事件: 無人睇到,無可能信你小朋友

2017.03.23

專頁家長 Secrets匿名貼出家長的投訴,該家長指患有自閉症的兒子由小一起於學校長期受到同學欺凌,有時身上有明顯傷痕,該家長多番向學校投訴亦不獲受理,只能逃避事件並於whatsapp與人傾訴,結果訊息於網上廣傳,引起網民關注,紛紛鬧爆校方處理方法。
(此為配圖,與事件無關)
受欺凌的學生患有自閉症,一年之間長期受到同學欺凌,「專登用腳整跌」「用波掉佢頭」,甚至「如去廁所從後被摸patpat」,老師一直指「睇唔到,只靠我仔單一面講好難相信事實」,成日叫家長原諒別人,雙方從來都無正面解決問題。

直至最近情況變差,該小朋友係午息期間被一個同學用拳頭打肚,家長指當時「呢個小朋友已經明言要打死我個仔」,家長向級主任反映事件,唯級主任表示未發生的事不可以處理,家長繼續忍。

翌日放學,家長被同學告知兒子再次被打至送往醫療室。家長最後於校長室找到正在大哭的兒子,期間間老師叫原本通知家長的學生「唔好亂講嘢」,家長指該名小朋友「講得好清楚我個仔點俾人打」,但「老師好惡叫同學諗清楚先好講」,,老師搵到另一位「見到事實真相」的同學,女同學則指見唔到有人打該學生。明顯試圖隱瞞事件。

被虐學生大哭過後,最後向家長講出事件真相,家長指兒子「被打,肚好痛,有紅有瘀」,即時要求校長處理,亦表示自己接受唔到暴力行為,校長話「呢件事無人睇到,無可能信小朋友!」

因為校長迫被虐學生原諒同學,仲問學生要不要轉班,期間被虐學生不停大哭。被虐學生繼續告訴媽媽,指校長曾捉佢入房,講明「如果俾我知你屈同學打你,我唔會放過你!」

家長送兒子睇急症,同時係醫院報警,唯警察指「你報警無用,事實上10歲以下犯事都告唔到。」,校長亦同警察講該自閉學生「表達能力有問題,學校真係睇唔到,唔可能信佢嘅說話!」

警察從家長處獲得施襲學生家長的電話,又引述對話指「對方都承認有打我個仔」,證明自閉孩子的確曾被欺凌。

網民睇完事件都十分憤怒並分享事件,帖文至今已獲近3000個分享。

網民鬧爆學校處理係有問題 ,不應歧視自閉學生,更有激動網民鬧校長「教畜」。

家長投訴原文:   


來源: 家長 Secrets/ 圖源:TVB

內容評分
評語