近日最hit電影絕對是《美國隊長3：英雄內戰》，無論男女老少都會搵到看點，男士們睇到英雄激戰場面，仲有性感的黑寡婦同緋紅女巫大騷身手，當然熱血沸騰，而女士們睇到靚仔又大隻的男星Chris Evans飾演的美國隊長相信亦紅都面晒，不過大家又知唔知道這些精彩的場面是如何拍成的？日前電影的幕後花絮曝光，而且同樣亮點多多！
大家喺電影預告中都見到美國隊長在天台爆肌拉直昇機一幕，拍攝的時候，Chris Evans喺綠色布幕和在搭建出來的天台做戲，後製加上天空同視角開揚的背景，不過Chris Evans的肌肉就無花無假，堅係爆出來的！
其中一場寒冬戰士被追捕的戲份，唔止演員要吊威也「跳樓」，連攝影師都要貼身跟住演員一齊跳樓，認真辛苦！
戲裡其中一個場重點場景就是美國隊長、寒冬戰士與黑豹的隧道追逐戰，當然他們不是真的全程在車頂上跳來跳去，其實有部份只是借鏡，由張檯上跳落下來而已。
咪以為美國隊長一腳踢爆車頭玻璃無難度，原來生得又高、腿又長嘅Chris Evans拍這幕時都要有少少「出術」先拍得成，就係靠一個木箱墊高兩吋！
至於這幕多個英雄喺綠色布幕前晒冷，大家又睇唔睇得出喺電影中的哪一幕？只要大家睇睇旁邊的貨櫃箱，相信可以估到這幕就是兩派機場對決的重頭戲，但係咪無諗過原來個機場係假呢？
來源：Youtube美國隊長預告、Youtube美國隊長幕後花絮
相關熱話：
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
