熱愛優質生活
首頁   \   港熱話   \   「咁辛苦為咩?」蛋黃哥出書講生活哲學,港人超啱睇!

「咁辛苦為咩?」蛋黃哥出書講生活哲學,港人超啱睇!

懶懶der ~ 蛋黃哥的軟爛生活學 (圖:內頁圖片)
2015.07.01

懶懶der ~ 蛋黃哥的軟爛生活學 (圖:內頁圖片)

日本Sanrio 13年搞咗個《食物角色選拔賽》,蛋黃哥擊敗咗「納豆貓」、日本神山「富士山布丁」等卡通奪得第二名,但由於佢實在太受歡迎,成功爬過「KIRIMI醬」頭於14年出度,之後點?咪就係紅到無論你上網、行街、食飯、睇戲、仲有去廁所(因為真係有廁紙產品)都會見到佢,剛剛上星期Sanrio公佈咗今年人物大賞嘅結果,蛋黃哥喺日本竟然排名第四,香港方面仲掛第二,相反老牌人物Hello Kitty 、My Melody 同 Little Twin Stars 三甲不入,究竟呢隻蛋黃哥有咩咁巴閉,可以風靡萬千少女?

今日介紹呢本書《懶懶der ~ 蛋黃哥的軟爛生活學》答到你,成本書用插畫形式,用蛋黃哥嘅角度演釋好多日常聽到嘅處世之道,例如「忍一時風平浪靜」、「退一步海闊天空」、「三分鐘熱度」,睇完之後要用一個字嚟形容蛋黃哥,就係「懶」,佢根本就係一個廢青,唔鍾意做嘢,唔鍾意競爭,最好一日到黑攤喺度唔使郁,但又有錢收,有飯食,對佢嚟講,最後都係畀人食,咁辛苦為咩?佢根本就係香港人內心嗰條蟲,我哋一日捱捱死,連個安穩嘅住所都冇,死咗仲可能冇位放骨灰,可以揀,有邊個唔想做蛋黃哥?現實中,要成為蛋黃哥真係冇咁易,不過當你喺生活上提唔起勁嘅時候睇下呢本書自High下,又的確幾自癒!

好啦,而家透露少少內容畀你哋啦! 

懶懶der ~ 蛋黃哥的軟爛生活學 (圖:內頁圖片)我就是已讀不會,你奈我何? 

懶懶der ~ 蛋黃哥的軟爛生活學 (圖:內頁圖片)做縮頭烏龜先最安全! 

內容評分
評語