熱愛優質生活
首頁   \   港熱話   \   港女600?WhatsApp收去飲7大注意事項 第4項最嬲

港女600?WhatsApp收去飲7大注意事項 第4項最嬲

去飲7大注意事項 (圖: 香港討論區)
2015.03.03

文: 冬妹

 

繼2年前「港女500事件」後,今年再出現600蚊人情 (果然是物價高漲啊~),有網友在香港討論區發帖《繼500蚊人情後,600蚊發生在我身上》,指女朋友前同事結婚,當時人與女朋友一人收一張帖,打算兩人出席,畀一封$1500人情。但收到一個WhatsApp訊息,列明「去飲7大注意事項」,其中一點有關人情「姐妹們都即時喺新娘房拆開mark數,唔想尷尬就唔妳少過公價」,列明「2015年人情公價係 $600」,令當時人猶豫到底應唔應該出席。

 

其他網友發表意見,指「唔知原來2015年人情公價係$600,佢有咩理據?」,不少網友都鼓勵當時人缺席「放飛機公價係 $300,好處是唔駛浪費一晚時間食到一肚氣」。另外有網民留言「600蚊, 單講金額似乎比較合理」

 

「繼500蚊人情後,600蚊發生在我身上」原文:

話說女朋友早前收到她的前同事(女朋友番part-time的時候)通知獲邀出席婚禮酒席,她的前同事硬是要我們去,見咁熱情唔想掃佢地興就答應了。我是從來沒有見過也不認識她的前同事,但也收到帖,而且還是分開一人一封的,內含50蚊餅卡及10蚊利是。

小弟第一次收帖,記得以前屋企人收帖都係一封過,感覺有D奇怪,但沒有想太多。

原本已打算出席及一封過俾1500蚊人情(注,女朋友剛剛畢業沒有工作,而我也只是剛出來做野),因為女朋友話同佢都算幾岩傾。

但就在剛剛女朋友收到Whatsapp通知,令我地都大感不快,最嬲係第4點,擺酒地點只係酒樓仔。好多人都叫我地唔好去,我地仲考慮緊。我地都明白宜家好多人擺酒都係為賺錢,但有D說話講左出來令人好唔舒服,又如何有心情飲你呢餐。

 

去飲7大注意事項 (圖: 香港討論區) 

去飲7大注意事項 (圖: 香港討論區) 

睇完這七大事項,大家又覺得當事人去不去好呢?

來源: http://www.discuss.com.hk/viewthread.php?tid=24399486&extra=&page=1

 

其實小妹覺得錢銀還不是重點,人家來飲祝賀,卻要諸多要求才是惹人憤怒的原因吧。至於對去飲經驗不多朋友,以下相關的人情公價參考或者幫到你!

>講心也要講金?婚宴人情公價列表 (同事篇)

>講心也要講金?婚宴人情公價列表 (朋友篇)

>講心也要講金?婚宴人情公價列表 (親戚篇)

 

內容評分
評語