熱愛優質生活
首頁   \   港熱話   \   那些年8位影帝影后都係歌手 曼玉性感,發哥鬼馬,秋生搖滾

那些年8位影帝影后都係歌手 曼玉性感,發哥鬼馬,秋生搖滾

2015.08.11

 
張曼玉做戲好就係人都知,原來佢仲好鍾意挑戰自己,近年轉戰歌壇,簽埋唱片公司做Rocker,上年五月就喺上海草莓音樂節唱咗首《甜蜜蜜》,低沉嘅聲線裡面散發出暗黑嘅味道,網民睇完咁突破性嘅演出,就賜咗「地獄嗓」嘅封號畀佢!Maggie越戰越勇,早幾日,佢又發佈咗一首新歌《如果沒了你》,自己作曲作詞,係電影《戀愛中的城市》主題曲,引嚟網民熱烈討論,有彈有讚,表現如何,你哋聽完自己評價!

《如果沒了你》

 
《甜蜜蜜》

其實早喺04年,Maggie已經為電影《Clean》原聲帶獻聲!《Wait For Me》

除咗Maggie,好多影帝影后曾經都係一名歌手,唉……

1.曾志偉
代表作:《我無厘頭,可是我很溫柔》

志偉哥有一排同林敏聰拍住上製作咗好多搞笑節目,同出咗多輯《有冇線電台》唱片,大玩惡搞歌!銷量達20萬張㗎!

2.吳君如
代表作:《初一十五》
君如都出過幾隻碟,你見佢同Wyman 唱得咁鬼馬,其實佢以前都有啲正經歌,例如《誰會一生愛護任性的我》、《只因你心醉》等,仲賣碟賣到去日本!(可上
KKBOX重溫)

 真係有日文的!(圖:post76.com)

3.梁潮偉
代表作:《你是如此難以忘記》

偉仔唱歌其實唔差,仲出過幾張唱片,《你是如此難以忘記》直頭係經典,數到近年令人難忘嘅作品可能就係同華仔合唱嘅《無間道》。

 

4.劉嘉玲
代表作:《有一點動心》
嘉玲姐都出過3隻碟㗎,仲有首合唱歌必選《有一點動心》,唔知佢有冇同老公喺屋企唱K?

 

5.周潤發
代表作:《飛砂風中轉》、《舊情人》、《12分十分吋》
發哥唱情歌又得,串燒歌又得,唔做歌手真係可惜,佢隻《12分十分吋》專輯又係過十萬銷量,但係佢話唔想搞壞規矩,所以就唔攞新人獎,不過佢都有攞過「叱吒樂壇Very Nice大獎」,唔使你講都知佢Nice時啦!

《12分十分吋》專輯(圖:FB@80-90年代廣東歌) 

6.張家輝
代表作:《愛得起》

張家輝未做化骨龍同大隻前,都出過兩隻碟,攞埋叱咤樂壇生力軍男歌手,本來前途無限,但你哋都見到佢喺樂壇發展得幾好......

 

7.黃秋生
代表作:《地踎搖滾》

講到最認真創作,一定係秋生哥,佢出過5張碟,首首歌都好有火,大膽到有粗口歌詞,《地踎搖滾》就係講97前嘅香港,佢話晒都係叱咤樂壇生力軍男歌手金獎......不容小看!
 

 


 

內容評分
評語