熱愛優質生活
首頁   \   港熱話   \   《蒙面歌王》第二集 全世界都「認唔出」曹格

《蒙面歌王》第二集 全世界都「認唔出」曹格

蒙面歌王(YouTube截圖)
2015.07.27

大陸啲電視台最鍾意就係搞歌唱節目,而且出晒名有十九幾萬個模式,之前嘅《中國好聲音》同《我是歌手》都非常受歡迎,最近全新節目《蒙面歌王》又有一個新玩法,就係要啲歌手戴住面具唱歌,最後贏咗嗰個先可以除面具示人,第一集就有香港歌手李克勤,連班嘉賓評判一樣,尤其係巫啟賢老師,望住個蒙面歌手,都認唔出嗰把聲係李克勤,我哋呢啲唔識音樂嘅小網民又點會認得出呢?

啱啱嗰個星期又有新一集啦,今集有個歌手戴住齊天大聖面具唱《男人KTV》廣東版,啲廣東話都幾正,不過好似有啲馬來西亞音,音域都幾高,你哋估下佢係邊個?小編就估唔到,淨係覺得好似曹格,好煩惱呀!好煩惱呀!好煩惱呀!你唔好同我講真係曹格呀?無可能!點會係曹格?真係曹格?唔係啩?畀多次機會你,係咪曹格?蒙面歌王(YouTube截圖)


我都仲係諗唔到,齊天大聖輸咗比歌手叮噹,冇得除面具,好想知係咪曹格?好心急呀!睇下啲嘉賓同觀眾有冇Tips先!

蒙面歌王(YouTube截圖)巫老師心諗(好似係):好似曹格,但比李克勤後生,比曹格老,比側田好打!

蒙面歌王(YouTube截圖)♫ABCDEFG HIJKLMOP ♫

內容評分
評語