就做完《愛‧回家》 無綫十大最長壽處境劇其實它只排第三

文: 9527
2015.06.26

文:Marcus

♫在世間遮風擋雨有一種愛~ 從六歲到八十也不更改♫

呢幾年日日陪住你食飯嘅《愛‧回家》做到今日就要摺埋,接檔劇叫愛回家之八時入席》(即係愛‧回家3.0?故事主線唔同曬,今次又唔知會做幾多百集呢?三色台咁多年嚟都Keep住一套接一套推出長篇處境劇,咁到底邊幾套做得最耐呢?等小編話過你知!

第十位:高朋滿座 (2006-2007)

集數:239集
簡介:講高家發生嘅日常事,最緊要齊齊整整,開開心心。

 

第九位:開心華之里 (1993-1994年)

集數:325集
簡介:背景喺一個三代同堂嘅家庭,講街坊鄰居之間嘅故事,最緊要齊齊整整,開開心心。

 

第八位:皆大歡喜 (古裝版) (2001-2002年)

  集數:327集
簡介:少數古裝處境劇,仲要係搞笑,講金家、石家同皇宮中嘅故事,正所謂唏呀唏呀唏呀唏呀唏~團結一心有新轉機,所以最緊要齊齊整整,開開心心!

 

第七位:畢打自己人(2008-2010)

  集數:337集
簡介:沿用大部份《同事三分親》的演員,講雜誌社八掛事同家庭小故事,喺Office鬥完,返到屋企,最緊要齊齊整整,開開心心。

 

第六位:同事三分親 (2007-2008年)

集數:364集
簡介:今次講廣告社裡面嘅權力鬥爭同一段母子關係,最緊要齊齊整整,開開心心!

 

第五位:皆大歡喜 (時裝版) (2003-2005)

集數:443集
簡介:不停講喺洞蜜園茶餐廳 、嘉仁公司、屋企、洞蜜園茶餐廳 、嘉仁公司、屋企、洞蜜園茶餐廳 、嘉仁公司、屋企發生嘅事,最緊要齊齊整整,開開心心!

 

第四位:城市故事 (1986-1988)

集數:455集
簡介:圍繞許、梁、蘇三家嘅故事,當中洗米華一角最深入民心,最緊要齊齊整整,開開心心!

 

第三位:愛·回 家(2012-2016)


集數:995集
簡介:都係講一家人同律師樓嘅故事,之後轉講健身中心同海味舖,但每日繼續發現新奇事,中間搞出大頭佛,最後發現係誤會,最緊要齊齊整整,開開心心!

 

第二位:真情(1995-1999)

  集數:1128集
簡介:都係講一家人嘅故事,有人統計過裡面有超過90個角色,佢哋食咗超過700餐飯,入面大部分情侶都有外遇,搞錯呀,乜唔係最緊要齊齊整整,開開心心咩?

 

第一位:香港八一至香港八六系列 (1981-1986)


集數:1330集
簡介:每日揀當時嘅社會熱話作題材,諷刺時弊、圍繞草根家庭居多,即日寫劇本即日拍即日出街, 陳積、順嫂、懋叔、蘇小姐等角色都成為當時社會某部分人嘅代號,最緊要齊齊整整,開開心心。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓