80、90後實玩過！10大兒童遊樂場經典遊戲

歡樂天地、出奇老鼠、繽紛樂園、小熊國以及今日仍有多間分店的冒險樂園...這些室內兒童遊樂場8、90後細個一定有去過。還記得當年擲彩虹、玩碰碰車玩到唔願走的日子，一些遊戲機更是每次必玩的，以下10個遊戲能勾起你的童年回憶嗎?

1. 扑傻瓜機

打蟹、鱷魚都玩過，就算會打到隻手又紅又痛都要繼續玩！ 

2. 推銀機

時代經典之一，是令人超級上癮的遊戲！宜家連Apps都有得玩，不過小編還是喜歡到場看著一堆銀被推下，感覺好有成功感。

3. 籃球機

一定要一班朋友去鬥高分，然後再一齊笑玩得最低分嗰個。每次玩都會想自己快高成大。

4. 大力士

遊樂場不時傳來「嘭」的一聲巨響，便知道有人在玩「大力士」。男仔玩呢個如果好高分的話通常都會好高氣勢！

5. 叮噹車

小時候會覺得揸車是一項超型的玩意，未夠高玩碰碰車都要玩返轉叮噹車過吓手癮先。

6. 擲彩虹

明知擲中的機會不大，都會手痕好想玩，不經不覺間，整袋滿滿的代幣已經所剩無幾......

7. 碰碰車

坐上車會幻想自己係F1賽車手，但其實......咪又係係咁同人撞嚟撞去。

8. 圈玻璃樽

睇人地玩覺得好簡單，就係將個圓圈掟去套住個樽，未玩時會覺得自己一定會中晒，點知一個都圈唔中！ 

9. 滾球

每一次碌個波之前，都話俾自己知我一定可以碌到入最高分個圈，但每一次入咗最低分個圈。

10.氣墊球

呢個係一個需要身手、眼界、敏捷度的遊戲，只可惜小編三樣都冇，所以次次玩都係輸但又好鐘意玩。

下頁：實有一個你玩過！11個紅極一時手機遊戲