大家前排有無係地鐵見過呢幅廣告呢?就咁睇以為邊間唱片公司又出新人,無咩特別姐。睇真啲發現,咦,幅海報設計非常簡單,一張大頭相加歌手名同歌名,搞掂!呢幅廣告出現係多個地鐵站,睇嚟呢位新人來頭不小。到底邊個係Suga Lam咁厲害有男神為佢唱歌呢?
好奇上Youtube一睇,發現小編並不孤單!原來唔少人都俾地鐵既廣告吸引而搵個MV。
《男神為我唱首歌》MV中Suga Lam走神秘路線,長期有半頂帽遮住個樣加帶埋黑超,更邀得多位猛男包圍。歌詞更向黎明丶陳奕迅、周杰倫丶五月天丶蕭敬騰等樂壇重量級男神致敬。
個channel雖然得137個subscribers,但已經有264,637 views同1752個likes啦!
以為咁樣好出奇?有網民留言到下面唔少comments都係外國ac留言,咦,但識講中文既?典解既典解既?
啲網民真係充滿疑心呀,可能啲外國人為咗Suga Lam特登學中文呢!
圖片來源:Youtube截圖