黎諾懿自從做了爸爸之後，生活都起了點變化，社交平台上載的照片除了工作，都離不開囝囝小春雞，言談間多數圍繞住仔女經。眼見囝囝慢慢長大，作為爸爸的黎諾懿都會想添多個伴，他計劃未來再生多個女。
不過，黎諾懿坦言未有小春雞之前，一直有著不想有小朋友的想法：「細個嘅時候，因為要養一個小朋友好似好大責任咁，好似冇咗自由咁，所以冇咩特別有大興趣一定有小朋友。」
.jpeg)
加上他的哥哥、弟弟都有小朋友，所以他周圍都是充滿小朋友的家庭，「我就覺得都唔駛喇，黎家都有人傳宗接代喇。」
但結婚後，黎諾懿與老婆開始有不同想法，就覺得如果有小朋友，應該幾有趣，所以他就計劃生小朋友。
黎諾懿也坦言生小朋友後，生活、想法有著翻天覆地的變化。
「開頭會覺得好辛苦，因為始終都是新手爸媽，又冇教好瞓，但後來上手，小朋友又開始同自己有少少互動的時候，感覺真係好唔同。因為覺得小朋友都係流住自己嘅血脈，覺得好似自己身體一部分，所以個感覺真係好唔同。加上隨住佢慢慢大個會同自己玩，嗰種溫暖嘅感覺真係要做咗父母先會知。」
有了小春雞，黎諾懿與老婆的性格都有改變：「變得好想返屋企，好有耐性，好想用好多好多時間睇住小春雞嘅成長。」
以前黎諾懿好想小春雞快點長大，但當小春雞已經一歲的時候，他卻不捨得囝囝大得咁快：「時間過得好快，佢已經識行路喇。」
與此同時，黎諾懿希望可以追多個妹妹，形成一個很完整的家庭。
圖：黎諾懿IG
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
