張繼聰與謝安琪一家四口樂也融融就大家都知,因為他們經常在社交平台上載與仔女互動的溫馨片段。日前張繼聰又再分享與囡囡Kakaball的sweet爆時刻,旁人睇到都會被他們融化,為他們的美滿生活感到高興。
Kakaball現在識走路,所以經常通屋都跑,非常活潑。
之前張繼聰與囝囝James玩過「kakaball走去揀邊個」,玩得不亦樂乎。
而今次片段所見,kakaball又再通處走,不過今次往爸爸方向跑。
張繼聰一手將kakaball擁入懷內,一副冧爆的樣子。而kakaball也將爸爸攪得實一實,教人看得心甜。
張繼聰在片段寫道:「我就係佢最大果隻毛公仔」網民見到都被他們所感動到,形容張繼聰與kakaball果然是前世情人,幸福感滿瀉。
而媽媽謝安琪眼見囡囡與張繼聰如此甜蜜,也不讓爸爸專美,於是直接在對方IG踩場,留言說:「但係我係佢最鍾意嗰隻」完美KO了張繼聰!
網民除了笑阿kay宣示主權,更表示很想看兩人直接battle,看kakaball會揀邊個多啲。
圖:張繼聰IG