正在閱讀
騎呢Game唔准瞓要做社畜 打工仔爬住都要去返工!

騎呢Game唔准瞓要做社畜 打工仔爬住都要去返工!

2018.08.17

相信一眾打工仔朝早返工,都試過陷入唔想起床繼續瞓的天人交戰,但無論幾眼瞓都好,最後都係死死地氣爬返工。最近就有隻小品之作《Yet Another Exhausting Day》,以打工仔為主題,完美演繹平日起床返工對抗睡魔的過程。主角睇落雖然死蛇爛鱔,但為求為完成工作,依然用盡一切方法令唔瞓著,似足大家平日爬住返工個樣!

 《Yet Another Exhausting Day》由Spotlightor Interactive遊戲工作室開發,過去都有創作過其他得意的獨立遊戲,例如控制只能燃點10秒燭光的蠟燭人探索世界的《Candleman》。

 

今次遊戲的主角就是日常生活常見的打工仔,疲倦至極都要對抗睡魔,令自己保持清醒。

 

遊戲玩相當簡單,只要避開所有會令主角沉睡的障礙,然後送主角到工作地點,繼續工作就可以。

 

由於主角非常攰的關係,只係識缓慢地蠕動,所有動作都好笨拙,所以控制主角都好講技巧。

 

但途中會出現唔少令主角瞓著的誘惑,例如有不少枕頭,只要一掂到就會立即瞓,亦即是Game Over

 

左上角的sense值,就代表主角距離瞓著剩下的時間。為了令主角繼續清醒,可以飲咖啡或者能量飲料提神,甚至可以瘋狂轉動,用頭撞花瓶撞牆撞傢私都得,只要唔好瞓著就可以!

 

除了普通枕頭外,仲可能會有拎住枕頭的吸塵機出黎攻擊主角,只要瘋狂轉動打就可以打低吸塵機。

 

遊戲目前仍處於開發階段,有興趣的話可以到官網免費下載Demo 試玩版,支援WindowsmacOS,但正式推出的話,仍然要有待官方公佈,大家可以好好期特一下!

試玩版>>按此<<

來源:Spotlightor Interactive

 

 

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠