正在閱讀
汪阿姐自創IG tag人新方法!麥明詩即時跟用「手寫tag」

汪阿姐自創IG tag人新方法!麥明詩即時跟用「手寫tag」

2018.11.19

今時今日用社交媒體溝通已經唔係後生仔專利,唔少老友記都識玩Facebook、Instagram,一向緊貼潮流的Liza姐汪明荃上月都加入IG行列,同粉絲溝通和開心share近況,不過近日Liza姐竟創出另類tag人方法,成為網友一時佳話,連後輩麥明詩都即時學嘢!

汪阿姐昨晚出席完保良局慈善盆菜宴,都好似一般人咁用IG post相打卡,同粉絲分享工作日常,除了有單人靚相,仲有唔少活動上其他好朋友的相片,有用IG的朋友就會知道IG其中一個重點功能就係可以在相中tag朋友,不過萬一相中人無用IG又可以點tag佢?Liza姐就創出另類tag人方式。

Liza姐親自用筆寫上相中人的名字,仲大大隻字,咁就唔怕大家睇唔到個「tag」,好似朱咪咪、蔡康年、區瑞強等。

大家唔好以為Liza姐唔識用tag人功能先咁做呀,佢用IG發布的第一個post已經有tag朋友,所以呢個真係Liza姐自創另類tag人玩法!

唔少網友見到Liza姐呢個新派tag人方式都話要學嘢,連前港姐冠軍麥明詩都即刻活學活用,最新一張同鄭裕玲、麥美恩、余德丞和陸浩明的合照都用上「手寫tag」,果然跟得夠貼!

 

來源:IG@wang_lizalouisa_mak

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠