【開心速遞】大小姐誤中降頭唔可以慶祝生日?送水輝華麗轉身情深對望閃爆網民

文: Ling Kwok
2018.11.23

《愛.回家之開心速遞》偶爾會有爆笑劇情,為觀眾送上驚喜。就好似昨日那集講到大小姐生日,公司上下都要大肆鋪張,各自想出有創意有牌頭的祝賀方法,為她慶祝生日,不過又有波折。

事緣公司上下頭痛點幫大小姐生日搞得好好睇睇,而大小姐本身都好期待呢一日到來,因為最想大家為佢花心力慶祝生日後,一月細龍生生日時,冇心機為佢搞生日,當日顯得冷清,呢個係大小姐最想睇嘅畫面。

誰知大小姐同一班名媛慶祝生日嘅時候,賈名媛就搵人假扮降頭師,一下拍落大小姐個頭,扮落降頭。而賈名媛就呃大小姐呢個就係「冇得慶祝生日降」,更恐嚇:「如果邊個幫你慶祝生日,身旁嘅人就會有事!」

而好死唔死,正當一眾IT狗同大小姐賀壽嘅時候,一隻電子IT狗失驚無神咬到Terry一啖!大小姐一下子㷫過火屎。

點知一波未平一波又起,群姐抹抹下地時,想用水寫成個「壽」字,KC想影相留念時唔小心滑倒跌傷尾龍骨。

大小姐呢下就信降頭係靈驗,於是下令叫公司唔洗再為佢慶祝。

到正日時,熱鬧為大小姐慶祝嘅情景不再,大小姐既失落又失望。

而送水輝得知因為降頭冇得同佢心愛的小蓮見面,就出口術約見愛人一面,又話係有贈品送,實則自己買生日禮物。

然後裝作在街上見到,買白糖糕當蛋糕幫大小姐「慶祝」,點知侍應行過倒瀉水,灑落送水輝背後,但輝輝依舊扮冇事,想大小姐可以安心慶祝。

點知大小姐最尾都發現,由於太愛送水輝,於是即刻離開,唔想對方有事。點知行到去大馬路,見到賈名媛行得走得,先知原來係一個騙局。

大小姐當然第一時間想打獲對方,不過送水輝拉住佢隻手一個轉身,再來個情深對望,真係好浪漫!但呢件事唔重要,最重要係叫返公司同事幫佢慶祝先!

有唔少網民都話今集好爆笑,仲話慶祝生日方法有創意過台慶!

圖:《愛.回家之開心速遞》影片截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓