正在閱讀
【叱咤頒獎禮2018】親切約食飯關心新歌手 古天樂勉勵:勿忘心中團火

【叱咤頒獎禮2018】親切約食飯關心新歌手 古天樂勉勵:勿忘心中團火

2019.01.02

《叱咤樂壇流行榜頒獎典禮》於2019元旦舉行,其中一個最受矚目的獎項是「我最喜愛的男歌手」,因為今年入圍名單五強之中,包括了甚少開金口唱歌的古天樂,他今年因與謝安琪合唱的《(一個男人) 一個女人和浴室》而再備受關注,而且網民終於集氣成功,為古仔帶來「我最喜愛的男歌手」一獎,而古仔亦驚喜現身頒獎禮,更現場清唱《男朋友》!

古天樂今年因與謝安琪合唱的《(一個男人) 一個女人和浴室》而再備受關注,他在叱咤頒獎台上獲得「我最喜愛的男歌手」一獎,他於台上搞笑扮喊表示:「我真係好鍾意唱歌,不過我唔識唱,呢個世界真係好奇怪,我都可以行上台,拎呢個獎,我真係無嘢好講!」他感謝一眾投票的朋友之餘,一向為演藝界出心出力的古仔說到自己當上演藝人協會會長後,特地約許多歌手食飯,逐一認識他們。

「我知道大家最喜愛我唔係歌曲作品,上年我做咗演藝人協會會長,好想幫新歌手,我用我的時間,同好多歌手食飯,因為我真係完全唔識。當我了解完,我知道佢哋團火無熄過,我好開心,你睇我都可以行上台,但真係,作為一個新人,自己心入面團火,唔好忘記,無論成功與否,我阿爸成日同我講,做人要蝕底,唔好放棄自己,我哋香港樂壇,廣東歌就靠你哋。」

古仔更話想同林海峰搞氣氛,拉埋JoeyKayJuno同軒仔一齊唱《男朋友》,把全晚氣氛推上高峰。

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠