好多人都鐘意搭車等人時上網睇片煲下劇，而影片分享網站YouTube 亦是好多人上網睇片的重要網站，不過如果出街搭車時想上YouTube睇片就要浪費手機的流動數據，日日搭車睇的話分分鐘會有「爆數據」的危險，雖然好多人都會下載第三方軟件下載YouTube上的影片，不過成日咁做都幾麻煩，最近就有外國媒體報導指YouTube將會新增「推薦下載影片」功能等大家可以在YouTube下載影片，供冇WiFi或者數據時觀看，以後出街睇片就不怕「爆數據」！
最新外國媒體Android Police就透露YouTube即將會推出影片下載推薦功能，並已經在某些國家率先進行測試。
外國媒體透露YouTube有意允許用家在有WiFi時下載影片，下載完成後就可以在手機沒有數據的情況下重睇，十分方便。
據了解，YouTube之後有機會在媒體庫內加入「下載」欄，並顯示多條推薦下載的影片給用家，而在影片旁仲會有個下載符號可以直接俾用家下載，不需再額外下載第三方軟件下載YouTube上的影片。
有消息指，測試已經在馬來西亞率先進行，不過其他國家就仲未有用家表示有這個新功能可以測試。
不過目前功能仲處於測試階段，推出與否要等YouTube方面進一步落實，一切消息以官方發佈為準。如果真的成功推出，相信是YouTube用家們的一大喜訊！
資料及圖片來源：YouTube,Android Police,ubergizmo,Pixabay
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
