網民打麻雀叫糊太緊張心跳暴升 慘被Apple Watch發心率警告踢爆

文: Toby Mok
2019.03.04

好多人都知道Apple Watch有監測用家心跳速度的功能,之前就有報導指Apple Watch成功監測到用家心跳有異常而成功為用家報警,阻止意外發生。不過原來有時蘋果Apple Watch對用家心率太敏感都會弄巧反拙。最近就有日本漫畫家在Twitter貼出2張圖片,指蘋果Apple Watch成功阻止他「發財」,一齊睇吓發生咩事。

最近日本漫畫家西アズナブル‏就在Twitter上分別貼出即將食糊的麻雀陣式同Apple Watch的圖片。

在圖片顯示所見,西アズナブル‏已成功碰了發財、紅中同白板,差少少就可以食出「大三元」的大牌。

但只怪西アズナブル食糊心切,令‏心跳急速上升,被Apple Watch測出心跳率有異常所以發出警示。

圖片顯示,蘋果Apple Watch好不識做地在用家打麻雀叫糊時突然發出心跳不正常警示,顯示用家在13:29分開始,10分鐘內的心跳突然急速上升到120 BPM,最高更達到131 BPM,而在旁的對手見狀立即對西アズナブル加倍留意,阻止西アズナブル食出「大三元」。

而漫畫家西アズナブル在Twitter亦抵死地寫到,原來Apple Watch可以成功測到用家打麻雀食大糊的心跳。

圖片及資料來源:Twitter,Apple


 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓