正在閱讀
港女搭飛機特意訂海鮮餐 不滿沒有刺身及蝦蟹墨魚:就咁比舊魚敷衍我!

港女搭飛機特意訂海鮮餐 不滿沒有刺身及蝦蟹墨魚:就咁比舊魚敷衍我!

2019.04.29

有不少航空公司為了照顧乘客們的飲食需求,會提供不同類型的餐飲予客人選擇,例如齋食或兒童餐等等。近日有位空中服務員向FB專頁「西客之道 Hispitality Secret」投稿,指自己在航班上遇到一位香港女乘客投訴海鮮餐,令人大感無奈。

樓主指港女乘客登機後,便按公司規矩向她確認海鮮餐的安排,期間「完全感受到港女對海鮮餐興奮」。不過送上海鮮餐後,這名乘客即刻按服務鐘投訴:「呢個咁都叫海鮮餐?點食?!」樓主本來以為自己派錯餐,但經過核對後,確認是次航班的海鮮餐為煎魚加白汁再加蔬菜,於是有禮貌地向乘客解釋是日菜單。不過對方不接受答案,反而大鬧:「有冇搞錯,日本返香港嘅海鮮餐點都有返啲質素呀嘛?!無刺身,最少都要有蝦蟹墨魚,就咁比舊魚敷衍我!你哋航空公司點做嘢?!」

圖:pixabay

樓主聽完這番言論後十分無奈,心道:「魚唔係海鮮咩?唔通經濟艙嘅海鮮餐會比龍蝦鮑魚你食啊?」,更表示自己「心裏面好想問佢有冇帶腦搭飛機」。雖然深感無奈,但樓主依然禮貌地詢問乘客「仲有咩可以幫到你」。之後港女要求轉食正常餐,不過樓主的上司十分公正嚴明,堅持機艙上沒有多餘的正常餐,無法更換,而港女最後亦只能「死死氣咁食晒成舊魚」。

(飛機餐示意圖,與上述事件無關)

不過事件並未告一段落,事關港女所要求的海鮮餐有特定甜品,所以無法享用正常餐附送的雪糕。她就此事再次投訴,依舊不接受樓主的解釋。幸好樓主上司再次出來壓場,「一句話冇就冇」,令樓主感到大快人心。

全文

來源:FB@西客之道 Hispitality Secret

評語

Nic Leo
Nic Leo 叫他去以那态度搭美国航空试试, 我还在真想看看他的神态。
29/04/2019 19:42

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠