正在閱讀
【婚姻合伙人】霸氣總裁黃德斌被靚湯收服 網民羨慕:被湯洛雯鍾意係咩體驗!

【婚姻合伙人】霸氣總裁黃德斌被靚湯收服 網民羨慕:被湯洛雯鍾意係咩體驗!

2019.05.30

TVB的小品劇《婚姻合伙人》中有幾條感情線,除了林秀怡與陸永成為搞笑冤家外,霸氣總裁黃德斌與俏護士湯洛雯互生情愫也成為了焦點。黃德斌與湯洛雯的感情在昨晚那集有突破性發展,看得網民非常羨慕,並問:「被靚湯鍾意係咩體驗?」

霸氣總裁黃德斌患上了腦瘤,而且有惡化的跡象,但他仍不顧性命去玩冰上曲棍球。就算主診醫生如何勸做手術,黃德斌都生怕手術帶來風險,而拒絕醫好。

另一邊廂,湯洛雯得知黃德斌有病仍不愛惜身體,一支箭衝到曲棍場地極力勸阻對方不要再玩。

可是霸氣總裁口硬,對靚湯說:「你已經唔再係我護士,我私底下再提醒你點做女人,你關心人嘅時候,唔係睇你自己有幾多籌碼,仲要睇人哋心目中對你有幾多籌碼。你貿然關心人,你唔會覺得難堪㗎咩?」靚湯聽完氣得離開。

其後黃德斌參與下半場,靚湯突然出現在場上,為了保護她,黃德斌衝上前掩護,更鬧:「你咁樣分分鐘斷幾條肋骨!」靚湯說:「你自己咪都係咁!」

兩人回到更衣室,靚湯自言違反護士守則,因為她愛上了自己的病人,即是黃德斌。

對方聽到立即眉飛色舞,確認女方喜歡自己,答應做手術。靚湯此時帶有幾分嬌嗲說:「你好返之後,如果要玩XGame,都要同我一齊玩。」黃德斌答應然後兩人相視而笑,並擁吻。

網民看完大叫:「靚湯鍾意係咩體驗?」似乎表示羨慕,同時又覺得這條感情線好睇,「呢pair得」,看來大家都覺得這個配搭新鮮又看得舒服。

來源:《婚姻合伙人》影片截圖

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠