正在閱讀
自備凳到戲院堅持買輪椅座位遭職員拒絕 行動方便顧客企硬:唔賣就叫經理出嚟

自備凳到戲院堅持買輪椅座位遭職員拒絕 行動方便顧客企硬:唔賣就叫經理出嚟

2019.05.30

香港大部分戲院設有幾個輪椅位給行動不便或傷殘人士使用,有些會設置於影院後方,最近竟有一般、行動正常的市民意圖買那些輪椅位置,更向售票職員透露自備椅子,令職員陷入兩難局面。

該戲院職員在Facebook專頁「西客之道 Hispitality Secret」投稿,講起事件發生於4月,當時正上映「全城期待」的電影,戲院幾乎場場爆滿。

然後遇上一名顧客要求購買輪椅位。當時職員拒絕賣飛,表示:「唔好意思啊,唔係客人自唔自備既問題,係輪椅位我地唔賣得畀一般客架,如果我賣左畀你,其實到時摵飛同事都係會截住唔畀你入場架㗎!」於是客人發難:「點解唔畀啊?我有自備點解唔畀啊?我上次都得啦點解你今次唔賣畀我阿?」職員更以消防條例為由解釋拒絕售票原因,豈料顧客則以:「你唔好同我講消防條例,你唔賣甲我就叫經理出嚟見我!」

職員眼見後面有一大條長龍,加上無計可施,於是無奈地將輪椅位售出,並向經理報備。

後來電影臨開場前15分鐘,該名顧客再出現,經理就向該顧客解釋,說:「因為消防條例問題呢,我哋唔可以加櫈畀客人你坐㗎喎。」客人以「我識呢到附近食肆嘅經理,佢地應承轉頭借張櫈比我入去坐」

為由要求入場,而經理再以消防條例解釋時,客人就一句:「你唔好同我講消防條例啦,我仲熟過你呀!」結果經理就跪低,讓該名顧客入場。

事後網民就批評售票職員,應一早企硬拒絕售票,但亦有網民為職員解釋拒絕售票有機會被告歧視,只有查票同事有權拒絕,從而結論出責任應該在經理身上,不應跪地敷衍了事,令客人覺得自己無錯。除此之外,也有人指出客人聲稱熟悉消防條例仍這樣做,明顯是知法犯法。

來源:西客之道 Hispitality Secret

圖:PEXELS

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠