昨日(7月21日)，中上環發生警民衝突，同時元朗出現大批白衣人圍毆西鐵站乘客。不少人都為此感到心痛，森美於今早取消《早霸王》常規節目，表示「今朝，我冇嘢好講。」本地知名YouTuber大J亦站出來發聲，希望一眾同行KOL能夠利用自己影響力去做一些事，直言「有責任做正確的事」。
Jason大J在FB撰寫了一封致所有香港YouTuber的信，指自己知道有不少同行為保住飯碗而選擇中立不發聲，亦有人因為公司與中資有關而不敢發聲。眼見香港「政府一再無視民意，市民喪生，警方選擇性執法…同埋琴晚既元朗恐怖襲擊事件」，大J向一眾同行發問：「你仲可以保持中立？」。他表示作為一個有知名度的人，應該利用自己的影響力去做一些事。他指自己昨晚一邊看新聞直播一邊流眼淚，更表示如果香港YouTuber看到「中環D警察對年輕人一槍接一槍咁開；元朗黑幫無差別打人，老人家打，大肚婆又打！睇住個抱住BB既媽媽嚇到尖叫，爸爸跪低求D黑幫唔好打」這些畫面仍可以為錢而埋沒良心的話，便祝福他們「財運亨通，繼續發財」。
同時，他表示如果有同行因為合約問題或公司不允許發聲的話可以與他聯絡，直言「如果有解約金要俾既，我幫你俾！」。
全文：
點擊圖片放大
大J提及大部分上網觀看YouTube片段的觀眾都是小朋友及年青人，認為「我地係有責任做正確的事，將正確既思想傳達落去。」
來源：FB@Jason - 大J
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Ísey Skyr健康冰島乳酪套裝！↓
↓ 使用比普通乳酪多近4倍的牛奶！/ 好像Gelato義式雪糕一般的口感！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
