正在閱讀
譚小環小食店堅持不接受任何捐款 市民放低錢即跑走令「渣哥」眼濕濕

譚小環小食店堅持不接受任何捐款 市民放低錢即跑走令「渣哥」眼濕濕

譚小環與其丈夫共同經營的小食店「渣哥一九九六」早前宣布請年青人食腸粉套餐,更叮囑大家「唔好餓壞身體」,窩心舉動獲得一眾網友大讚。有人留言希望捐錢予小食店,不過「渣哥」就婉拒,表示「有心已足夠」。不過仍然有很多人直接到小食店支持,更放下錢就跑走,令「渣哥」感動到眼濕濕。

「渣哥」以《天使,魔鬼》為題在FB撰文,向網友分享店鋪的情況。「渣哥」在文中無奈地表示「你班友真係話極都唔聽,各分店都已不斷婉拒你地放低錢!你地仲係要放低就走左去,店員就要即追,你睇現場環境,出到門口,你應該已經大概去到北角!」,更笑言「跑得快過保特,唔知以為佢搶左野」。面對大家各出奇招給錢,「渣哥」相當感動,直言「#我就真係又俾你地整到眼濕濕勒」。

小食店再次強調不會接受任何捐款、饋贈及小費等等,表示店鋪目前仍有足夠能力應付。不過「渣哥」就承諾當去到有需要的時候一定會通知大家。

之後「渣哥」再分享另一則趣事,指有兩名「加埋都應該超過100歲」的大嬸堅持自己是年青人,要求領取腸粉套餐。「渣哥」感嘆「原來人格只值26x2」。

來源:FB@渣哥一九九六

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠