正在閱讀
YouTuber大J分享馬會白金卡回應Gary存款 星級化妝師還擊 分享坐私人飛機出差

YouTuber大J分享馬會白金卡回應Gary存款 星級化妝師還擊 分享坐私人飛機出差

曾為特首林鄭月娥及徐子淇等不少名人化妝的星級化妝師Gary Chung日前在社交平台分享自己的一千萬銀行存款,指年輕人需要問家長轉賬「幾草嘢」才可以提取一百元,暗諷網民發起的撳錢行動。其言論引起熱議,本地YouTuber大J亦在社交平台回應,曬出賽馬會信用卡。化妝師Gary不甘示弱,以乘搭私人飛機出差還擊。

化妝師Gary曾在FB大曬一千萬銀行存款,後來有網民以AE黑卡反擊,最後Gary刪除相關內容。

本地YouTuber大J亦在FB回應Gary的言論,指他「將層樓都賣埋先得個1千萬,想出嚟寸D後生仔」,又表示雖然已經有人以AE黑卡反擊,但他亦決定代朋友分享一下賽馬會白金卡。大J指出,該香港賽馬會白金信用卡在全港僅得約15000人擁有。

之後化妝師Gary就在FB上載一段坐飛機的短片,表示「好彩我做job D(啲)客係比我坐私人飛機」,更指「那(嗱)渣(喳)嘢迫爆機場都冇影响(響)」。同時他加上hashtag「#有傻仔以為拎住馬會投注卡就可以入閘」,疑就大J分享賽馬會白金信用卡一事反擊。

來源:FB@大JGary Chung

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠