熱愛優質生活
首頁   \   飲食情報   \   大埔搵食路線 驚喜街市抵吃美食

大埔搵食路線 驚喜街市抵吃美食

山長水遠入大埔,除了約齊一大班朋友去郊區BBQ、行山和踩單車之外,市中心也有很多平價小吃店,放假想放鬆大吃大喝,必定要mark實今次的大埔覓食路線!


第 1 站 彩虹串燒專門店

除了傳統串燒,串燒店的燒海鮮更是熱賣之一。店外擺滿當天新鮮採購的海鮮,有帶子、鮑魚、蟶子、象拔蚌等,即叫即燒,保留鮮味。每天按來貨種類有不同特價精選海鮮,燒帶子($85/3隻)每隻非常巨型,帶子燒得剛剛好,鮮味彈牙,加上蒜蓉泥和辣椒粒就更加惹味!

每枱必點的star war醉蜆配烏冬($32)上枱熱辣辣,一打開蓋酒香撲鼻,湯底加入老闆娘特製辣醬,辣得過癮,但吃不到辣的朋友就最好選BB辣。蜆肉偏細,但勝在份量夠多,2個人分都夠吃。

店內另一招牌「芝士撞棍」,即是芝士燒響鈴。芝士燒得半溶,加上香脆的響鈴,再蘸上特製甜醬,配搭夠特別,但要襯熱食否則偏乾。


地址:大埔運頭街12-18號美華大廈


內容評分
評語