掃街掃到飽 葵涌廣場飲食攻略!

2015.07.09

「男人的地獄,女人的天堂?」無錯,呢度就係葵涌廣場。

如果你鍾意行完又食,食完又行,歡迎你跟住以下介紹,搵日嚟呢個天堂覓食。行幾耐都好,都唔會餓親。嗱!親身經歷,要有定心理準備,無二三個鐘真係出唔返嚟!香港舊式商場,真係比新式商場好行得多。

  

第 1 站 衝出小島 新店有售長洲2大名物

嚟到一樓,未到開售時間,已見長長人龍。這間長洲糯米糍,主打芒果及榴槤味糯米糍。店主話,店鋪在市區自設廠房,糯米糍由長洲師傅每日新鮮包製,然後直接送往門市。可惜當日無緣試到榴槤味。芒果肉鮮甜,不酸,不過略嫌多粉。據知,近來更推出紅豆口味糯米糍。提提大家,由於每日的開售時間或有不同,建議睇完Facebook消息再出發。

買唔到糯米糍,唔駛咁快失望!三樓另有一間新開食店,可以買到芒果糯米糍及長洲大魚蛋。由於芒果糯米糍由長洲直送,船期有限,所以買晒就無。今次嚟到,已經全部沽清。長洲大魚蛋$10兩大粒,咬落去的確爽口彈牙。記得要落醬汁啊!此店仲有多款撈麵,最想試韓國紫菜芝士撈麵!

長洲地道糯米糍地址及介紹:
http://hk.ulifestyle.com.hk/spot/detail.html?id=ABdGDVo3BwJZHgNs

18粒小食店地址及介紹:
http://hk.ulifestyle.com.hk/spot/detail.html?id=ABdGDVo3BwJZHgNu 

即睇全文介紹

第 2 站 人氣不減 5款小食有驚喜

名星小店的芝士撈麵雖平但芝味十足,芝士醬落得足料,令一碗平凡的撈麵變得邪惡起來!卷之屋的日式手卷即叫即制,而且魚生份量十足,食到底都仲可以食到啖啖魚生。想食手抓餅,其實唔止東門町重慶酸辣粉。慧食貓都有岩漿手抓餅!呢三間小食店位置並排,可以食完一間再一間。

講起甜品,又點少得班戟、平價雪糕及花花棉花糖!以即制班戟而聞名的又一戟有新品推出——木糠焦糖雪糕班戟。曲奇雪糕配搭焦糖醬加木糠,有齊三重層次。雪糕大大球,夏日消暑一流!無關年紀,棉花糖入口即化的口感,總令人傾心不已。Yummy Yummy的花花棉花糖,色彩咁繽紛,相機一定好想食先!

名星小店地址及介紹:
http://hk.ulifestyle.com.hk/spot/detail.html?id=ABdGDVo3BwhZHwNv

又一戟地址及介紹: 
 
卷之屋地址及介紹:
 
Yummy Yummy Ice-Cream地址及介紹:
 
慧食貓地址及介紹:
即睇全文介紹

第 3 站 全埸最平唔止一間 果汁、台式飲料任你揀

掃食完,覺得囗乾?啱喇,係時候要補充水分。嫌飲水太乏味?飲紙包、罐裝飲品也未免太頹。不妨直上三樓,有好幾間飲品店集中於此。大家又知唔知全場最平嘅飲品,到底賣幾多錢?

開估喇!根據觀察所得,$4就可以買到一杯特色飲品(如果發現有更平嘅,歡迎告之)。而且唔止一間賣得咁平!西瓜汁、西瓜椰果、香芋珍珠、青蘋果珍珠,有鮮榨果汁有台式飲品,全部都係$4一杯!價錢等同係便利店買支蒸餾水,但感覺值得多。

雖然每款都想試,但為咗肚子著想,最後去咗日船隔離嘅飲品店,買咗一杯香芋珍珠。味道不過不失,帶有淡淡的香芋味,對得住呢個價位。下次再嚟,一定要試西瓜椰果!

$4西瓜汁-鮮果園地址及介紹:

http://hk.ulifestyle.com.hk/spot/detail.html?id=ABdGDlo7BwNZFgNr

$4西瓜椰果-冰冰果汁地址及介紹:

http://hk.ulifestyle.com.hk/spot/detail.html?id=ABdGDlo7Bw5ZEQNr 

即睇全文介紹

第 4 站 有新有舊 別忘了仲有多間零食店

萬般帶不走,見到美食又忍唔到口,食完就無。不如買啲零食返屋企喇!仲可以同朋友家人一齊分享,食都食得開心啲。

舊式零食店都有好幾間,裕興隆的零食勝在口味懷舊,而且款式夠多,芝士餅、南瓜酥、番石榴糖、來自不同產地的芒果乾、紅豆糖、小波子⋯⋯要幾多買幾多,而且價錢相宜。而呢間新式零食店,則引入唔少日韓零食,話唔定可以搵到心頭好。此店採用會員制度,買滿$50即可成為會員,可以儲積分。

裕興隆食品公司地址及介紹:
http://hk.ulifestyle.com.hk/spot/detail.html?id=ABdGDVo3Bw9ZFQNu 

為食屋地址及介紹:
http://hk.ulifestyle.com.hk/spot/detail.html?id=ABdGDVo2BwpZFwNi

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓